Iran: युद्ध सुरू असतानाच इराणचे राष्ट्राध्यक्ष लवकरच अमेरिकेत, जगही बुचकाळ्यात, मोठी अपडेट काय?
Iran-America Update: मध्य-पूर्वेत युद्ध संघर्ष पेटला आहे. हुती आणि सौदी अरबमध्ये युद्धाचा भडका उडला आहे. तर इराण आणि अमेरिकेतही संघर्ष वाढला आहे. त्यातच इराणचे राष्ट्राध्यक्ष मसूद पेझेश्कियान आणि परराष्ट्र मंत्री अब्बास अराघची हे अमेरिकेच्या दौऱ्यावर जात असल्याने जगही बुचकाळ्यात पडले आहे. काय आहे अपडेट?
Masoud Pezeshkian-Abbas Araghchi-US: आखाती, खाडी देशात युद्धाचा भडका उडाला आहे. इराण- इस्त्रायल-अमेरिका हा संघर्ष सुरू असतानाच हुती आणि सौदी अरबमध्ये यु्द्धाला तोंड फुटले आहे. त्यातच इराणचे राष्ट्राध्यक्ष मसूद पेझेश्कियान आणि परराष्ट्र मंत्री अब्बास अराघची हे अमेरिकेच्या दौऱ्यावर जात असल्याने जगही बुचकाळ्यात पडले आहे. विशेष म्हणजे या दौऱ्यासाठी डोनाल्ड ट्रम्प प्रशासनाने सुद्धा हिरवा कंदिल दाखवला आहे. काय आहे अपडेट?
संयुक्त राष्ट्र महासभेच्या बैठकीला हजेरी
न्यूयॉर्कमध्ये संयुक्त राष्ट्र महासेभेची(UN General Assembly) वार्षिक बैठक होत आहे. या बैठकीसाठी इराणचे राष्ट्राध्यक्ष मसूद पेझेश्कियान आणि परराष्ट्र मंत्री अब्बास अराघची जाणार आहेत. अमेरिका आणि इराण संघर्ष टोकाला पोहचला आहे. इराण अजूनही अमेरिकेला दाद देत नसल्याने ट्रम्प यांचा जळपळाट सुरू आहे. पण पेझेश्कियान आणि अराघची यांच्यासह इराणी शिष्टमंडळाला, प्रतिनिधी मंडळाला संयुक्त राष्ट्रांच्या बैठकीत सहभागी होण्याची परवानगी ट्रम्प प्रशासनाने दिली आहे हे विशेष. यातून भविष्यातील शांतीची बोलणी होण्याची शक्यता वर्तवली जात आहे.
व्हिसा आणि प्रवासाला मंजूरी
संयुक्त राष्ट्र संघाचे मुख्यालय हे अमेरिकेतली न्यूयॉर्क शहरात आहे. संयुक्त राष्ट्रांच्या करारानुसार, अमेरिकेला सर्व सदस्य देशांच्या प्रतिनिधींना या महासभेला उपस्थित राहण्यासाठी व्हिसा आणि प्रवासाला मंजूरी देणे कायदेशीररित्या बंधनकारक असते. यामुळेच सध्या दोन्ही देशांचे संबंध ताणले गेलेले असले तरी आणि इराणवर निर्बंध लादले असले तरी पेझेश्कियान आणि अराघची यांच्या प्रवासाला आणि व्हिसाला अमेरिकेने परवानगी दिली आहे.
शांतता वार्ता की इराणचा हल्ला?
संयुक्त राष्ट्रसंघाच्या महासभेत इराणचे राष्ट्राध्यक्ष मसूद पेझेश्कियान आणि परराष्ट्र मंत्री अब्बास अराघची हे काय बोलतात याकडे जगाचे लक्ष लागलेले आहे. ते शांततेविषयी बोलतात की अमेरिकेवर टीका करतात याकडे जगाचे लक्ष लागलेले आहे . इराणावरील आर्थिक निर्बंध, अण्वस्त्र धोरण आणि मध्य-पूर्वेतील रक्तरंजित युद्ध यावर इराणी नेते काय भूमिका मांडतात यावर पुढील धोरण निश्चित होईल. तर त्याचवेळी महासभेत सौदी अरब आणि यमनची काय भूमिका असेल याकडे अभ्यासकांचे लक्ष लागले आहे.
