Donald Trump Rally Firing: फक्त 2 सेमीची चूक… अन्यथा ट्रम्प यांचा गेला असता जीव, सिक्रेट सर्व्हीसच्या एजंटने…
Donald Trump Rally Firing: 13 जुलै रोजी संध्याकाळी 6:15 वाजता, बटलर, पेनसिल्व्हेनिया येथे माजी राष्ट्राध्यक्ष ट्रम्प यांच्या प्रचार रॅलीदरम्यान गोळीबार झाला. एका संशयित शूटरने रॅली ठिकाणाच्या बाहेर उंच स्थानावरून स्टेजच्या दिशेने अनेक गोळ्या झाडल्या.
अमेरिकेचे माजी राष्ट्राध्यक्ष डोनाल्ड ट्रम्प यांच्यावर निवडणूक प्रचारसभेदरम्यान हल्ला झाला. हल्लेखोराने झाडलेली गोळी ट्रम्प यांच्या कानाला लागली. ही गोळी 2 सेंटीमीटरनेही आत गेली असती तर मोठा अनर्थ घडला असता. डोनाल्ड ट्रम्प यांना आपला जीव गमवावा लागला असता. पेनसिल्व्हेनियातील बटलर येथे निवडणूक रॅलीला ट्रम्प संबोधित करत असताना गोळीबार झाला. त्यानंतर गर्दीत आरडाओरडा सुरु झाली. लोक इकडे तिकडे धावू लागले. सिक्रेट सर्व्हिस एजंट्सनी लगेच ट्रम्प यांना घेरले. सिक्रेट सर्व्हिस एजंटने मुव्ह, मुव्ह करत ट्रम्प यांच्याभोवती सुरक्षा तयार केली.
सुरक्षा रक्षकांनी ट्रम्प यांना स्टेजवरून उतरवले
ट्रम्प भाषण देत असताना अचनाक त्यांना कानाजवळून काही गेल्याचे समजले. ते खाली वाकले. त्यानंतर सुरक्षा रक्षकांनी व्यासपीठावर धाव घेतली. गर्दीत आरडाओरडा सुरू झाली. सिक्रेट सर्व्हिस कमांडोंनी ट्रम्प यांना घेरले. ट्रम्प उठतातच मुठ आवळताना दिसतात. यावेळी ट्रम्प यांच्या चेहऱ्यावर आणि कानाखाली रक्त दिसत होते. ताबडतोब सुरक्षा रक्षकांनी ट्रम्प यांना स्टेजवरून खाली उतरवले. त्यांना कारमध्ये बसवले आणि घटनास्थळावरुन दूर नेले.
डोनाल्ड ट्रम्प यांच्याकडून निवेदन
घटनेनंतर डोनाल्ड ट्रम्प यांनी एक निवेदन जारी केले की, ‘मी युनायटेड स्टेट्स सिक्रेट सर्व्हिसचे आभार मानतो. त्यांनी गोळीबारानंतर तातडीने कारवाई केली. रॅलीत मारल्या गेलेल्या व्यक्तीच्या कुटुंबाप्रती आणि जखमी झालेल्या दुसऱ्या व्यक्तीच्या कुटुंबाप्रती मी माझ्या संवेदना व्यक्त करू इच्छितो. आपल्या देशात असे कृत्य घडू शकते, यावर माझा विश्वास बसत नाही. हल्लेखोराबद्दल मला काहीही माहिती नाही. माझ्या उजव्या कानाला गोळी लागली. मला काहीतरी गडबड आहे, हे लक्षात आले.
सिक्रेट सर्व्हिसचे निवेदन
सिक्रेट सर्व्हिसने नुकतेच एक निवेदन जारी केले आहे. त्यामध्ये म्हटले आहे की, हल्लेखोराने एका उंच ठिकाणाहून ट्रम्प यांच्या दिशेने अनेक राऊंड फायर केले. त्या ठिकाणी असलेल्या एका व्यक्तीला ठार करण्यात आले. तसेच इतर दोघे गंभीर जखमी आहे.
Footage showing the Reaction of the U.S. Secret Service Counter-Sniper Team who Eliminated the Shooter, the Moment that Shots rang out at the Trump Campaign Rally in Butler, Pennsylvania. pic.twitter.com/1ni7L1Makp
— OSINTdefender (@sentdefender) July 14, 2024
सिक्रेट सर्व्हिसने निवेदनात पुढे म्हटले आहे की, “13 जुलै रोजी संध्याकाळी 6:15 वाजता, बटलर, पेनसिल्व्हेनिया येथे माजी राष्ट्राध्यक्ष ट्रम्प यांच्या प्रचार रॅलीदरम्यान गोळीबार झाला. एका संशयित शूटरने रॅली ठिकाणाच्या बाहेर उंच स्थानावरून स्टेजच्या दिशेने अनेक गोळ्या झाडल्या. शूटरला यूएस सिक्रेट सर्व्हिसच्या एजंटने ठार केले. डोनाल्ड ट्रम्प सुरक्षित आहे. या घटनेचा तपास सुरु आहे.”
