Iran-US War Update : युद्धातली अमेरिकेची पहिली मोठी हार, इराणबाबत ट्रम्प स्वत: करणार एक मोठी घोषणा

इराण विरुद्ध युद्ध सुरु करताना अमेरिकेने काही आडाखे बांधले होते. पण ती उद्दिष्टय अजून पूर्ण झालेली नाही. ती लवकर पूर्ण होतील असही वाटत नाही. उलट युद्धात अमेरिकेची पिछेहाट सुरु आहे. अमेरिकेला इस्रायलच्या आक्रमकतेला आवर घालावा लागतोय. इराणची युद्धनिती सध्याच्या घडीला अमेरिकेपेक्षा सरस ठरतेय. इराणकडून अमेरिका-इस्रायलच्या आक्रमकतेला आवर घालणारे अचूक रणनितीक वार सुरु आहेत. या दरम्यान अमेरिका इराणबाबत लवकरच एक मोठा निर्णय घेणार आहे. खरंतर या निर्णयाकडे अमेरिकेची हार म्हणूनच पहावं लागेल. इराणचा एक प्रकारे स्ट्रेट ऑफ हॉर्मुझ बंद करण्याचा जो निर्णय आहे, त्याचा रणनितीक विजय आहे. बलाढ्य अमेरिकेवर अशी वेळ यावी हे दुर्देवच आहे.

ज्यांना रोखण्यासाठी अमेरिका युद्ध लढतोय. त्यांच्यावरील निर्बंध मागे घेण्याची वेळ युनायटेड स्टेट्‍स ऑफ अमेरिकेवर आलीय. मिडिल ईस्टमधील वाढत्या तणावादरम्यान जागतिक तेल पुरवठ वाढवण्यासाठी आणि किंमती कमी करण्यासाठी अमेरिकेने एक ऐतिहासिक निर्णय घेतला आहे. अमेरिका लवकरच समुद्री मार्गांवर अडकलेल्या टँकर्समधील जवळपास 14 कोटी बॅरल इराणी तेलावरील प्रतिबंध हटवू शकते अमेरिकेचे अर्थ मंत्री स्कॉट बेसेन्ट यांनी हे संकेत दिले आहेत. जागतिक तेल किंमती कमी करण्याच्या उद्देशाने हा निर्णय घेतला आहे.

हा निर्णय अमेरिका का घेणार?

येत्या काही दिवसात आम्ही समुद्रात अडकलेल्या इराणी तेलावरील प्रतिबंध हटवू शकतो असं अमेरिकेचे अर्थ मंत्री स्कॉट बेसेन्ट गुरुवारी फॉक्स बिजनेस नेटवर्कच्या मॉर्निंग्स विद मारिया कार्यक्रमात बोलले. अडकलेल्या जहाजांवर जवळपास 140 मिलियन बॅरल तेल आहे. इतक्या तेल साठ्यामुळे 10 दिवस ते दोन आठवडे जगाला तेल पुरवठा होऊ शकतो.

तेलाच्या किंमती काय आहेत?

जागतिक तेल पुरवठा वाढवणं आणि गगनाला भिडणाऱ्या तेल किंमती कमी करण्यासाठी हा निर्णय घेतला जाणार आहे असं स्कॉट बेसेन्ट म्हणाले. मागच्या दोन आठवड्यात कच्चा तेलाच्या किंमती 100 डॉलर प्रति बॅरेलच्या पुढे गेल्या आहेत. कारण इराणने स्ट्रेट ऑफ हॉर्मुझ बंद ठेवलं आहे. इराणी तेलाच्या माध्यमातून प्रतिदिन बाजारात कमी पडणारं 10 ते 14 मिलियन तेल भरुन काढणं हा अमेरिकेचा उद्देश आहे. हे 14 कोटी बॅरल तेल आल्यास पुढचे 10 ते 14 दिवस पुरवठा सुरळीत सुरु राहिलं.