पाकिस्तानातील गोंधळ वाढला, इमरान खान यांच्या विरोधात विरोधी पक्षांचे नेते सामूहिक राजीनामे देणार

इमरान खान सरकारच्या विरोधात विरोधी पक्षांचे संसद सदस्य सामूहिक राजीनामे देण्याची शक्यता आहे.(Pakistan Imran Khan)

Yuvraj Jadhav | Updated on: Dec 08, 2020 | 10:52 AM

नवी दिल्ली: आर्थिक संकटात असलेल्या पाकिस्तानातील इमरान खान सरकार पुढील संकट दिवसेंदिवस वाढत आहेत. पाकिस्तानातील अर्थव्यवस्थेचा कणा कोरोना संकटामुळे मोडला आहे. इमरान खान यांच्यासमोरील संकटं वाढतच आहेत. इमरान खान सरकारच्या विरोधात विरोधी पक्षांचे संसद सदस्य सामूहिक राजीनामे देण्याची शक्यता आहे. भारताचा दुसरा शेजारी देश चीन अमेरिकेतली सत्ता परिवर्तनानंतर अमेरिकेसोबत मैत्री वाढवण्याचा प्रयत्न करत आहे. तर, नेपाळमध्ये हिंदू राष्ट्र घोषित करण्याची मागणी होत आहे. (Group of opposition leaders may resigns in Pakistan against Imran khan)

पाकिस्तान (Pakistan)

पंतप्रधान इमरान खान यांच्या नेतृत्त्वातील सरकारपुढे कोरोनामुळे मोठं आव्हान निर्माण केलं आहे. इमरान खान यांच्या विरोधात विरोधी पक्षांचे नेते सातत्यानं हल्लाबोल करत आहेत. विरोधी पक्षांच्या नेत्यांना जनतेचेही समर्थन मिळत आहे. पाकिस्तानातील विरोधी पक्षाचे संसद सदस्य सामूहिक राजीनामा देण्याची शक्यता आहे.

चीन (China)

अमेरिकेत डोनाल्ड ट्रम्प यांचा अध्यक्षपदाच्या निवडणुकीत पराभव झाल्यानंतर जो बायडन यांची सत्ता येणार आहे. चीन अमेरिकेसोबतचे संबंध सुधारण्याचा प्रयत्न करत आहे. मात्र, सध्या अमेरिकेतील प्रशासन डोनाल्ड ट्रम्प यांच्याकडेच आहे. त्यामुळे चीनच्या प्रयत्नांना यश येताना दिसत नाही. हाँगकाँगच्या स्वायत्ततेवर कमजोर करण्याचा प्रयत्न करणाऱ्या 14 चिनी अधिकाऱ्यांवर अमेरिकेने प्रतिबंध लावले होते. या अधिकाऱ्यांमध्ये एका तिबेटी अधिकाऱ्याचा समावेश आहे. अमेरिकेचे परराष्ट्र मंत्री माईक पोम्पिओ यांनी चीनमधील एनपीसीएससीने हाँगकाँगच्या निवडणुकीसंदर्भातील क्षमतेवर प्रभाव टाकल्याचे सांगितले. त्यामुळे 14 चिनी अधिकाऱ्यांवर बंदी घालण्यात आली.

नेपाळ (Nepal)

भारत आणि नेपाळ यांच्यातील संबंध सातत्यानं चांगले राहिले आहेत. नेपाळमध्ये आलेल्या अनेक नैसर्गिक आपत्तींमध्ये भारतानं नेपाळची मदत केली आहे. मात्र, नेपाळ आणि भारतामध्ये 2020 मध्ये सीमावाद निर्माण झाल्यानं दोन्ही देशांतील संबंधात तणाव निर्माण झाला आहे. दोन्ही देशांतील बिघडलेल्या संबंधाच्या पार्श्वभूमीवर दोन्ही देशांच्या प्रतिनिधींची बैठक सोमवारी झाली. भारत आणि नेपाळच्या अधिकाऱ्यांनी द्विपक्षीय आर्थिक संबंधांवर चर्चा केली. दोन्ही देशांमध्ये व्यापार इतर विषयांवर चर्चा झाली.

नेपाळमध्ये हिंदू राष्ट्र घोषित करण्याची मागणी

भारताचा शेजारी देश नेपाळमध्ये आणखी एक वादळ उठलं आहे. नेपाळला पुन्हा एकदा हिंदू राष्ट्र घोषित करण्यासाठी काही संघटनांनी आंदोलन सुरु केलं आहे. आंदोलक मोठ्या प्रमाणात रस्त्यांतवर उतरले असून पंतप्रधान के.पी.ओली शर्मा यांच्या विरोधात नागरिकांमध्ये नाराजी वाढली आहे. आंदोलकांनी नेपाळमधील सत्ताधारी पक्ष आणि विरोधी पक्षांवर रोष व्यक्त केला आहे. हिंदू राष्ट्र घोषित करुन नेपाळमध्ये राजेशाही लागू करावी, अशी मागणी देखील आंदोलकांनी केली आहे.

भारताचा चीनला आणखी एक झटका, चीनकडून आयातीपेक्षा निर्यातीची टक्केवारी वाढली#indchina #indiachinatrade #India #china https://t.co/P8kPW7bbSj

— TV9 Marathi (@TV9Marathi) December 7, 2020