Nikhil Gupta : मैत्री मागचा अमेरिकेचा खरा चेहरा उघड, एका दहशतवाद्याला वाचवण्यासाठी भारताला दिला मोठा झटका
Nikhil Gupta : भारत-अमेरिका संबंध पुन्हा बिघडणार का? अशी चर्चा सुरु झाली आहे. अमेरिका निखिल गुप्ता यांच्या कबूलनाम्याचा शस्त्रासारखा वापर करु शकते. एका दहशतवाद्याला वाचवण्यासाठी अमेरिका हे सर्व करतेय.
खलिस्तानी दहशतवादी गुरपतवंत सिंह पन्नूचा हत्येचा कट रचण्याच्या प्रकरणात कोर्टाचा निर्णय आलाय. या प्रकरणात भारतीय नागरिक निखिल गुप्ता यांना 24 वर्ष तुरुंगवासाची शिक्षा सुनावण्यात आली आहे. सुनावणी दरम्यान निखिल यांनी कोर्टात आपला गुन्हा कबूल केला. कोर्टाच्या या निर्णयानंतर भारत-अमेरिका संबंध पुन्हा बिघडणार का? अशी चर्चा सुरु झाली आहे. अमेरिका निखिल गुप्ता यांच्या कबूलनाम्याचा शस्त्रासारखा वापर करु शकते. खलिस्तानी दहशतवादी गुरपतवंत सिंह पन्नूच्या हत्येच्या कटावरुन याआधीच भारत-अमेरिकेमध्ये मतभेद आहेत. बऱ्याच काळानंतर भारत-अमेरिका संबंध ट्रॅकवर येत आहेत. निखिल गुप्ताने तत्कालीन भारतीय सुरक्षा अधिकारी विकास यादव यांच्या निर्देशावरुन हा कट रचला होता.
अमेरिकी कोर्टात निखिल गुप्ता यांच्या कबूलनाम्यामुळे या संपूर्ण प्रकरणाला एक नवीन वळण लागलय. त्यामुळे अमेरिकेच्या कारवाईवर भारताची नजर असेल. अमेरिकेत वाँटेड असलेल्या विकास यादवला दिल्ली पोलिसांनी 18 डिसेंबर 2023 रोजी अटक केली होती. अमेरिकेची गुप्तचर यंत्रणा FBI कडून विकास यादवचा फोटो रिलीज करण्यात आला होता. FBI चं म्हणणं आहे की, विकास यादवच्या सांगण्यावरुन निखिल गुप्ताने पन्नूच्या हत्येचा कट रचला होता.
वेळीच हा कट रोखण्यात आला
अमेरिकी तपास संस्था FBI ने या प्रकरणात कठोर भूमिका घेतली आहे. अमेरिका त्यांच्या नागरिकांचं नुकसान करणाऱ्यांना काहीही झालं तरी सोडणार नाही असं एफबीआय अधिकाऱ्यांचं म्हणणं आहे. वेळीच हा कट रोखण्यात आला. त्यामुळे कारस्थानं यशस्वी होऊ शकलं नाही असं अमेरिकी अधिकाऱ्यांचं म्हणणं आहे.
अमेरिकेकडे कधी केलं प्रत्यर्पण?
अमेरिकेचा आरोप आहे की, एका भारतीय नागरिकाने अमेरिकेत राहणार्या शीख नेत्याच्या हत्येचा प्रयत्न केला. अमेरिकी तपास संस्थांना आधीच याची माहिती मिळाली होती. त्यांनी प्लान अयशस्वी केला. आरोपीने न्यायालयात आपला गुन्हा कबूल केला. पन्नूच्या हत्येचं कारस्थान रचल्याच्या आरोपाखाली निखिल गुप्ताला 30 जून 2023 रोजी चेक रिपब्लिक येथून अटक करण्यात आली होती. त्यानंतर 14 जून 2024 रोजी निखिलचं अमेरिकेकडे प्रत्यर्पण करण्यात आलं.
