युद्धाच्या 14 दिवसांमध्येच अमेरिकेवर भीक मागण्याची वेळ, इराणचा वाढला आत्मविश्वास, थेट हल्ल्यानंतर..

इराण आणि अमेरिका युद्ध फक्त युद्धाच्या मैदानातच नाही तर सोशल मीडियावरही सुरू आहे. इराणचे खार्ग बेट नष्ट करण्याच्या अमेरिकेचे अध्यक्ष डोनाल्ड ट्रम्प यांच्या दाव्याला तेहरानकडून कडक शब्दात फटकारण्यात आले. हेच नाही तर इराणने डोनाल्ड ट्रम्प यांना त्यांची जागाही दाखवली. आमच्यासोबतच्या युद्धात 14 दिवसांमध्येच अमेरिका भीक मागण्याची वेळ आली. रशियाकडून तेल खरेदी करण्याच्या मुद्द्यावरून इराणला हा टोला लगावला. आंतरराष्ट्रीय तेलाच्या किमतींमध्ये वाढ रोखण्यासाठी अमेरिकेने जगभरातील देशांना रशियाकडून तेल खरेदी करण्याचे आवाहन केले आहे. काही महिन्यांपूर्वीच रशियाच्या तेलावर अनेक निर्बंध लादत, जो देश रशियाकडून तेल खरेदी करत आहे, त्याच्यावर अमेरिका टॅरिफ लावत होती आणि इराणसोबतच्या युद्धात अचानक अमेरिकेची भूमिका बदलल्याने इराणकडून अमेरिका 14 दिवसांमध्येच रशियाकडून भीक मागत असल्याची बोचरी टीका करण्यात आली.

इराणचे परराष्ट्र मंत्री अब्बास अरघची यांनी एक्सवर पोस्ट शेअर करत म्हटले की, कित्येक महिन्यांपासून अमेरिका भारताला रशियन तेल घेण्यापासून रोखत होती आणि इराणसोबत युद्ध सुरू होऊन दोन आठवड्यांमध्येच भारतासह जगाला रशियाकडून तेल खरेदी करण्याचे विनंती व्हाईट हाऊस करत आहे. अमेरिकेकडून मोठे घाव इराणला पोहोचवले जात आहेत. मात्र, इराण काही पराभव पत्कारत नाही.

अमेरिकेने एक हल्ला केला तर इराण चार हल्ले करत असल्याची वस्तूस्थिती सध्याच्या घडीला आहे. कच्च्या तेलाच्या वाढत्या किमतींमुळे रशियाला फायदा होत असून त्यांच्या तेलाची मागणीही प्रचंड वाढली आहे. ट्रम्प प्रशासनाने जगभरातील देशांकडून रशियन तेल खरेदीवर 30 दिवसांची स्थगिती जाहीर केली. अमेरिकेने रशियाकडून जगातील देशांना सांगितल्यानंतर इराणचे धैर्य वाढले असून अमेरिका कुठेतरी झुकत असल्याचा संदेश स्पष्टपणे इराणला मिळाला.

जागतिक स्तरावर कच्च्या तेलाच्या किमती प्रति बॅरल 100 डॉलर्सच्या पुढे गेल्यामुळे अमेरिकेने रशियाकडून तेल खरेदी करण्याचे आवाहन केले. होर्मुज सामुद्रधुनीतील अडथळ्यांमुळे पुरवठा विस्कळीत झाला आहे, ज्यामुळे किंमती वाढल्या आहेत. इतके मोठे हल्ले झालेले असतानाच इराण मोठ्या धैर्याने या युद्धाला सामोरे जात आहे. चीन, उत्तर कोरिया आणि रशिया इराणच्या बाजूने ठाम असल्याचे दिसत आहे.