इराण युद्धाने नवा धोका वाढला, शॅडो वॉरची भीती, तपास यंत्रणा झाल्या अलर्ट

इराण युद्धामुळे युके आणि संपूर्ण युरोपात आता अतिरेकी हल्ल्याचा धोका वाढला आहे. एका नवीन सुरक्षा अहवालात म्हटले आहे की युद्धाचे स्वरुप आता “शॅडो वॉरचे” रुप घेऊ शकते. म्हणजे थेट सरळ युद्ध करण्याऐवजी छोटे-छोटे हल्ले होऊ शकतात.उदा. आगी लावणे, ड्रोन हल्ले करणे आणि समुहावर हल्ला करणे अशा प्रकारचे हल्ले युरोपात होऊ शकतात.हा अहवाल ‘द सुफियान ग्रुप’ने दिला आहे. इस्रायल आणि लेबनॉन दरम्यान १० दिवसांचा संघर्ष विराम सुरु असताना हा अहवाल आला आहे.

या दरम्यान लेबनॉनच्या एका पार्कात पोलिसांना संशयित सामानाची छाननी केली. सोशल मीडियावर एक व्हिडीओ व्हायरल होत होता. ज्यात दावा केला गेला होता की इस्रायल दुतावासात खतरनाक ड्रोनने हल्ला झाला आहे. मात्र, हा दावा चुकीचा निघाला. मात्र, सुरक्षा यंत्रणा सर्तक झाल्या आहेत.

IRGC ची खतरनाक प्लानिंग ?

रिपोर्टमध्ये म्हटले आहे की इराणची इस्लामिक रिव्हॉल्युशनरी गार्ड्स (IRGC) युरोप आणि ब्रिटनमध्ये आपल्या समर्थक समुहाद्वारे हल्ले करु शकतो. यासाठी गुन्हेगारी टोळ्यांचा देखील वापर केला जाऊ शकतो, हल्ल्याचा तपास करता येऊ नये त्यामुळे ही शक्कल लढवली जाऊ शकते. अमेरिका, ज्यू समुदाय आणि इस्रायलशी संबंधित लोक वा संस्था यांना टार्गेट केले जाऊ शकते.

‘द सुफियान ग्रुप’ने हा अहवाल सादर केला आहे. ही एक ग्लोबल इंटेलिजन्स आणि सिक्युरिटी कन्सल्टन्सी आहे. जिचे प्रमुख अली सुफान आहेत. तिने दिलेल्या या अहवालात म्हटले आहे की असे हल्ले कमी खर्चात केले जाऊ शकतात. कारण त्याचा परिणाम मोठा होतो.कारण त्यामुळे लोकांमध्ये दहशत पसरते.

ब्रिटनमध्ये धार्मिक हिंसेत वाढ

ब्रिटनमध्ये आधीच ज्यूंच्या विरोधातील घटनात वाढ झाली आहे. अलिकडेच उत्तर लंडन येथे ज्यू समुदायाच्या एंब्युलन्स सेवेच्या चार गाड्यांमध्ये आग लावण्यात आली होती.ज्यास पोलिसांनी ज्यू विरोधी हल्ला म्हटले आहे. केंसिंग्टन गार्डनमध्ये संशयित साहित्य मिळाल्यानंतर संपूर्ण विभागाला बंद करण्यात आले आहे. पोलिसांच्या विशेष टीमने घटनास्थळी सापडलेल्या नमून्यांचा तपास केला. या भागात काम करणाऱ्या सुरक्षा कर्मचाऱ्याचे म्हणणे आहे की इराण युद्धामुळे ते आधी पेक्षा जास्त सर्तक आहेत.