आता थेट टोकाचं युद्ध, इराणचं अमेरिकेला थेट खुलं आव्हान; येऊनच दाखवा… ट्रम्प यांना भरली धडकी!

इराण-अमेरिकेतील युद्ध सुरू होऊन दोन आठवडे पूर्ण झाले आहेत. यामुळे जगभरात तणावाचे वातावरण निर्माण झाले आहे. आता हे युद्ध आणखी आक्रमक रूप घेणार असल्याची चिन्हे दिसत आहेत. अमेरिकेची सर्वात प्रगत विमानवाहू नौका युएसएस जेराज्ड आर फोर्ड इराणजवळ तैणात करण्यात आली आहे. यानंतर आता इराणच्या इस्लामिक रिवोल्युशनरी गार्ड कॉर्प्स (IRGC)ने अमेरिकेला कडक इशारा दिला आहे. यामुळे आता युद्ध आणखी भडकण्याची शक्यता आहे. याबाबत सविस्तर माहिती जाणून घेऊयात.

इराणचे ट्रम्प यांना खुलं आव्हान

IRGC चे प्रवक्ते अली मोहम्मद नैनी प्रेस टीव्हीला दिलेल्या मुलाखतीत सांगितले की, ‘आतापर्यंत युद्धात वापरल्या गेलेल्या क्षेपणास्त्रांपैकी बहुतेक किमान 10 वर्षे जुनी आहेत. मागील वर्षी जूनमध्ये अमेरिका-इस्रायल संघर्षानंतर विकसित करण्यात आलेल्या नव्या शस्त्रसाठ्याचा अजून वापर केलेला नाही.’ पुढे बोलताना नैनी यांनी म्हटले की, हार्मुझच्या सामुद्रधुणीवर इराणचे पूर्ण नियंत्रण आहे. जर शत्रू आमची नौदल शक्ती नष्ट केल्याचा दावा करत असेल, तर त्यांनी आपली युद्धनौका फारसच्या आखातात आणून दाखवाव्यात असं आव्हान त्यांनी अमेरिकेला केले आहे.

अमेरिका आव्हान स्वीकारणार?

काही दिवसांपूर्वी अमेरिकेचे राष्ट्राध्यक्ष डोनाल्ड ट्रम्प यांनी असे म्हटले होते की, इराणची सैन्यशक्ती मोठ्या प्रमाणात नष्ट झाली आहे आणि त्यांचे नौदल आता प्रभावी राहिलेले नाही. मात्र आता नैनी यांनी ट्रम्प यांना थेट उत्तर देत फारसच्या आखातात युद्धनौका पाठवण्याचे आवाहन केले आहे. त्यामुळे आता हे आव्हान अमेरिका स्वीकारणार का हे पाहणे महत्त्वाचे ठरणार आहे. अमेरिकेने इराणचे आव्हान स्वीकारल्यास भयंकर युद्धाला सुरुवात होण्याची शक्यता आहे.

होर्मुज सामुद्रधुनीतील जहाज वाहतूक प्रभावित

युद्ध सुरू झाल्यानंतरहोर्मुज सामुद्रधुनीतील जहाजवाहतूक मोठ्या प्रमाणात प्रभावित झाली आहे. हा मार्ग जगातील सुमारे 20 टक्के कच्च्या तेल वाहतुकीसाठी अत्यंत महत्त्वाचा मानला जातो. या संकटावर उपाय शोधण्यासाठी डोनाल्ड ट्रम्प यांनी सात देशांशी संपर्क साधून या जलमार्गाच्या सुरक्षेसाठी युद्धनौका पाठवण्याचे आवाहन केले होते. मात्र यातील अनेक देशांनी युद्धनौका पाठवण्यास विरोध केला आहे. त्यामुळे या युद्धात आता अमेरिका एकटी पडल्याचे दिसत आहे.