Hormuz Open : होर्मुज खाडी खुली… इराणचा मोठा दावा, थेट म्हटले, धमकी नाहीच तर…
Hormuz Open : इराण आणि अमेरिका युद्धात होर्मुज खाडीचा मुद्दा गाजत आहे. 48 तासाचा वेळ अमेरिकेकडून इराणला दिला आहे. यादरम्यानच आता इराणकडून यावर मोठे भाष्य करत नक्की परिस्थिती काय आहे हे स्पष्टपणे सांगण्यात आले.
इराण आणि अमेरिका युद्ध एका घातक वळणावर आहे. 28 फेब्रुवारी 2026 रोजी युद्धाला सुरूवात झाली. युद्ध सुरू होताच होर्मुज खाडीत मोठा जाम लागला. एकही जहाज पुढे जाताना दिसत नाही. होर्मुज खाडी बंद असल्याने अनेक देश संकटात आहेत, त्याचे मुख्य कारण म्हणजे एलपीजी गॅस आणि कच्च्या तेलाकरिता हा सर्वात महत्वाचा मार्ग आहे. हाच मार्ग बंद असल्याने जगातील अनेक देश तणावात असून आणीबाणी लागण्याची वेळ आली. जागतिक बाजारात तेलाच्या किमती वाढल्या आहेत. होर्मुज खाडी पुन्हा सुरू करण्याकरिता अमेरिकेकडून मोठे प्रयत्न केले जात आहेत. पण अमेरिकेला अजिबातच यश मिळत नाही. त्यामध्येच आता अमेरिकेने थेट होर्मुजमध्ये अमेरिकन लष्कर उतरवणार असल्याचे म्हटले. होर्मुज खाडी सुरू करण्याकरिता इराणला अमेरिकेने 48 तासाचा वेळ दिला. जर इराणने असे केले नाही तर इराणच्या ऊर्जा प्रकल्पांवर हल्ले केले जाणार असल्याची धमकी अमेरिकेने दिली.
यादरम्यान इराणकडून स्पष्ट करण्यात आले की, आम्ही कोणाच्याही दबावापुढे अजिबात झुकणार नाहीत. यादरम्यानच इराणकडून सांगण्यात आले की, आमच्याकडून होर्मुज खाडी बंद करण्यात आली नाही. इराणचे विदेश मंत्री अब्बास अराघची यांनी म्हटले की, ना कोणती विमा कंपनी नाही इराण या धमकींना घाबरत नाही. सरळ आणि सोपा मार्ग आहे की, तुम्ही सन्मानजनक भाषा बोला.
यादरम्यान अराघची यांनी स्पष्ट केले की, होर्मुज खाडी बंद नाहीये. हा पण नक्कीच युद्धामुळे तिथे स्थिती सामान्य नाहीये. त्यामुळे जहाज तिथून जाण्यास पुढे येत नाहीत. यादरम्यान बोलताना इराणच्या अधिकाऱ्यांनी सांगितले की, होर्मुज खाडीतून जहाज येत आणि जात आहेत. पण आता सुरक्षा वाढवण्यात आली आहे. शत्रू देश आणि त्यांचे समर्थन करणाऱ्या देशांचे जहाज रोखले जात आहेत.
होर्मुज खाडीतून जाताना काही नियमांचे पालन करावे लागणार आहे. यादरम्यानच इराणकडून आत्मरक्षेच्या अधिकाराबद्दल सांगताना होर्मुज खाडीचा वापर आपल्याविरोधात होऊ देणार नसल्याचेही सांगण्यात आले. इराण आणि अमेरिकेच्या युद्धात होर्मुज खाडीचा मुद्दा तूफान चर्चेत आल्याचे बघायला मिळत आहे. होर्मुज खाडीच्या मुद्द्यावरून अमेरिकेने तांडव करण्यास सुरूवात केली.
