इस्राईल आमचा देश बळकावतोय…इराणनंतर या निसर्गसंपन्न देशाचा नेतान्याहू यांच्यावर थेट आरोप

इराणसोबत इस्राईलचा वाद संपला नाही तोवर ज्यू देश इस्राईलवर आणखी एका शेजाऱ्याने आरोप लावायला सुरु केला आहे. हा देश सायप्रस असून येथील विरोधी पक्ष AKEL यांनी दावा केला आहे की इस्राईल त्यांचा देश हिसावून घेत आहे. याचे कारण सायप्रसमध्ये इस्राईली प्रवाशांची संख्या आणि महत्वाच्या ठिकाणांवर जमीन खरेदी करण्याच्या त्यांच्या प्रवृत्तीमुळे सायप्रस धास्तावला आहे.

सायप्रसमध्ये अलिकडे AKEL पक्षाचे अधिवेशन झाले. त्यात पार्टीचे महासचिव स्टेफानोस स्टेफानू यांनी हा आरोप केला आहे. त्यांनी सांगितले की इस्राईली नागरिक लागोपाठ संवेदनशील आणि महत्वपूर्ण विभागात जमीन खरेदी करत आहेत. जी राष्ट्रीय सुरक्षेला धोकायदायक बनली आहे. त्यांनी या सरकारशी यावर लवकरच लक्ष देण्यास सांगितले आहे.

पॅलेस्टाईनचा पॅटर्न वापरतोय इस्राईल

स्टेफानू यांनी आरोप केला आहे की हा सर्व इस्राईली लोकांना सायप्रसमध्ये वसवण्याच्या योजनेचा हिस्सा आहे. या अंतर्गत धार्मिक संस्था,जायनिस्ट स्कूल आणि ज्यू पूजा स्थळ बनवले जात आहेत. हा तोच पॅटर्न आहे जो इस्राईलने पॅलेस्टाईनमध्ये वापरला होता.

ते आमचा देश हिसकावत आहेत, सरकार शांत आहे

ते आमचा देश आमच्याकडून हिसकावत आहेत. आणि सरकार शांत बसले आहे. परदेशी नागरिकांवर खासकरुन इस्राईली नागरिकांवर सायप्रसमध्ये संपत्ती खरेदी करण्यावर अंकूश लावावा अशी मागणी स्टेफानू यांनी केली आहे. सायप्रस येथील अनेक विश्लेषकांनी देखील इस्राईली प्रवाशांच्या या प्रवृत्तीला सायप्रस येथील भविष्यातील सार्वभौमत्वास खतरा म्हटले आहे. आणि त्याच सोबत आर्थिक असंतुलनाचा इशाराही दिला आहे.

ज्यू विरोधी ठरवू नका – स्टेफानू

सायप्रस येथील इस्राईलचे राजदूत ओरन अनोलिक यांनी या टीकेला ज्यु विरोधी म्हटले आहे. ते म्हणाले की सायप्रसच्या सार्वजनिक वादात ही भाषा अस्वीकार्य आहे. या आरोपाला उत्तर देताना स्टेफानू यांनी आपल्या पार्टीची बाजू मांडताना इस्राईलच्या धोरणांच्या टीकेला ज्यू विरोधी मानू नये असे म्हटले आहे.

इस्रायल टीका ऐकत नाही

स्टीफानू म्हणाले की इस्राईल कोणतीही टीका सहन करीत नाही आणि सर्वकाही नियंत्रित करू इच्छीतो. गाझामध्ये सुरू असलेल्या नरसंहारावर संयुक्त राष्ट्रांच्या महासचिवांनी केलेल्या टीप्पणीवर देखील इस्रायलने ज्यू विरोधी असल्याचे म्हटले आहे असा आरोपही त्यांनी केला. मेहर न्यूजच्या वृत्तानुसार, सुमारे २,५०० इस्रायली सायप्रसमध्ये कायमचे राहतात, परंतु काही तज्ञ्जांचा असा विश्वास आहे की ही संख्या १२,००० ते १५,००० च्या दरम्यान असू शकते, कारण बरेच लोक युरोपियन पासपोर्टद्वारे प्रवेश करतात.