इराण अमेरिका युद्धाबाबत अत्यंत मोठी घोषणा, युद्ध कधी थांबणार थेट सांगितले स्पष्ट, इस्त्रायल..

इराण आणि अमेरिका युद्धात भडका उडाला आहे. इराणचा प्रस्ताव अमेरिकेने नाकारला. इराणचा यानंतर थयथयाट बघायला मिळाला. कोणत्याही परिस्थितीमध्ये युद्ध थांबले पाहिजे, याकरिता जग आग्रही आहे. युद्धबंदीचा प्रस्ताव नाकारताच एकच खळबळ उडाल्याचे बघायला मिळत आहे. कच्च्या तेलाच्या किमतीमध्ये मोठी वाढ झाली. यासोबतच आता इस्त्रायलने इराणला अत्यंत मोठा इशारा दिला. पाकिस्तान इराण आणि अमेरिका यांच्या युद्धात मध्यस्थी करत आहे. मात्र, यश मिळत नाही. तुर्की सारखे तेल मध्यस्थीकरिता मैदानात आहेत. मात्र, युद्ध कमी व्हायचे सोडून अधिक भडकताना दिसत आहे. होर्मुज खाडीतील तणाव कमी होत नाही. होर्मुज खाडीत मोठा तणाव असून पूर्ण खाडी ठप्प आहे. भारतासह अन्य देशांचे तेल जहाज तिथे अडकून पडली आहेत. थेट हल्ले केले जात आहेत.

यादरम्यान आता इस्रायलचे पंतप्रधान बेंजामिन नेतान्याहू यांनी मोठा इशारा दिला. बेंजामिन नेतान्याहू यांनी म्हटले की, जोपर्यंत इराणचे समृद्ध युरेनियम हटवले जात नाही आणि त्यांची अणु ठिकाणे नष्ट केली जात नाहीत, जोपर्यंत हे युद्ध थांबणार नाही. इराणने कोणत्याही परिस्थितीमध्ये त्यांचे युरेनियम हटवले पाहिजे. त्याच्याशिवाय कोणताही पर्याय नाही.

बेंजामिन नेतान्याहू यांनी पुढे म्हटले की, इराणचे आण्विक साहित्य हा सर्वात मोठा मुद्दा आहे. थेट कारवाई किंवा तडतोडीमधूनच मार्ग निघू शकतो. यादरम्यान त्यांनी लष्करी पर्यायांवर भाष्य करणे टाळले. इराण आपले अणू साठे हटवण्यास तयार नाही. यासोबतच इराणच्या याकरिता काही महत्वाच्या अटी देखील आहेत. याच मुद्द्यामुळे युद्धविराम होऊ शकत नाही.

अमेरिका आणि इस्त्रायलने केलेल्या हल्ल्यादरम्यान झालेल्या नुकसानाचीही भरपाई करून देण्याची मागणी इराणकडून केली जात आहे. युद्धविरामकरिता प्रस्ताव दिला जात आहे. मात्र, त्यातून कोणताही मार्ग निघत नाही. जगाला सध्याच्या घडीला फक्त आणि फक्त शांती हवी आहे. मात्र, बेंजामिन नेतान्याहू यांनी पुन्हा एकदा इराणला धमकी दिल्याचे बघायला मिळतंय. इराण देखील आपल्या भूमिकेवर ठाम आहे.