पंतप्रधानपदी 12 वर्ष पूर्ण झाली म्हणून इटलीहून जॉर्जिया मेलोनी यांचा पीएम मोदींना खास संदेश
पंतप्रधान नरेंद्र मोदी यांना बुधवारी केंद्र सरकारचे प्रमुख म्हणून 12 वर्ष पूर्ण झाली. निवडलेले पंतप्रधान म्हणून त्यांचा 4,399 दिवसांचा कार्यकाळ पूर्ण झाला. त्यांनी माजी पंतप्रधान पंडित जवाहरलाल नेहरु यांचा रेकॉर्ड मोडला.
पंतप्रधान नरेंद्र मोदी यांनी रेकॉर्ड केला आहे. देशात सर्वाधिक काळ पंतप्रधानपद भूषवणारे व्यक्ती ते बनले आहेत. त्यांनी भारताचे पहिले पंतप्रधान पंडित जवाहरलाल नेहरु यांचा सर्वाधिक काळ पंतप्रधानपद भूषवण्याचा विक्रम मागे टाकला. नरेंद्र मोदी यांनी सलग 12 वर्षाचा पंतप्रधानपदाचा कार्यकाळ पूर्ण केला आहे. ही एक खास उपलब्धी असून इटलीच्या पंतप्रधान जॉर्जिया मेलोनी यांनी नरेंद्र मोदींना शुभेच्छा दिल्या आहेत. पंतप्रधान नरेंद्र मोदींना जगभरातून शुभेच्छा संदेश येत आहेत. इटलीच्या पंतप्रधानांनी आपल्या संदेशात लिहिलय की, “नरेंद्र मोदी यांना हार्दिक शुभेच्छा! आज ते भारताच्या इतिहासातील सर्वाधिक काळ सेवा करणारे पंतप्रधान बनले आहेत”
पंतप्रधान जॉर्जिया मेलोनी यांनी नरेंद्र मोदींसाठी सोशल मीडियावर खास पोस्ट केली आहे. “नरेंद्र मोदी हार्दिक शुभेच्छा! आज तुम्ही भारताच्या इतिहासातील सर्वाधिक काळ सेवा करणारे पंतप्रधान बनला आहात. अलीकडेच रोममध्ये आपली पुन्हा भेट झाली. भारतासोबत एका विशेष रणनितीक भागीदारीची सुरुवात करताना आनंद होत आहे. त्यामुळे आपल्या देशांना, जनतेला नवीन संधी निर्माण होणार आहेत” असं जॉर्जिया मेलोनी यांनी लिहिलं आहे.
Congratulazioni a @narendramodi che oggi diventa il Primo Ministro eletto più longevo nella storia dell’India.
È stato un piacere ritrovarci a Roma nelle scorse settimane e lanciare assieme un Partenariato Strategico Speciale che guarda al futuro per creare nuove opportunità… pic.twitter.com/hiQICM6eKV
— Giorgia Meloni (@GiorgiaMeloni) June 10, 2026
इंदिरा गांधी 14 वर्षापेक्षा जास्त काळ पंतप्रधान
पंतप्रधान नरेंद्र मोदी यांना बुधवारी केंद्र सरकारचे प्रमुख म्हणून 12 वर्ष पूर्ण झाली. निवडलेले पंतप्रधान म्हणून त्यांचा 4,399 दिवसांचा कार्यकाळ पूर्ण झाला. त्यांनी माजी पंतप्रधान पंडित जवाहरलाल नेहरु यांचा रेकॉर्ड मोडला. या तुलनेसाठी नेहरु यांच्या 1952 पासूनच्या कार्यकाळाला आधार मानण्यात आलय. कारण देशात लोकसभा निवडणुका होण्याआधी 1947 ते 1952 पर्यंत ते अंतरिम सरकारचे प्रमुख होते. माजी दिवंगत पंतप्रधान इंदिरा गांधी यांनी 14 वर्षापेक्षा जास्त काळ पंतप्रधानपद भूषवलं. पण त्यांचा कार्यकाळ सलग नव्हता. मोदी देशाच्या इतिहासातील सर्वाधिक काळ सेवा करणारे पंतप्रधान बनले आहेत. 2014 पासून ते सत्तेवर आहेत. त्यांच्या नेतृत्वाखाली भाजपने 2014, 2019 आणि 2024 साली लोकसभेच्या निवडणुका जिंकल्या.
