रशियावर भीषण हल्ला! प्रचंड नुकसान, एका भारतीयासह तिघांचा मृत्यू; संपूर्ण जग हादरलं

गेल्या 4 पेक्षा जास्त वर्षांपासून रशिया आणि युक्रेन यांच्यात युद्ध सुरू आहे. दोन्ही देशांकडून एकमेकांवर हल्ले होत आहेत. रशियाची राजधानी मॉस्कोवर रविवारी युक्रेनकडून भीषण हल्ला करण्यात आला आहे. या ड्रोन हल्ल्यात एका भारतीय कर्मचाऱ्याचा मृत्यू झाला आहे, तर अन्य तीन भारतीय कर्मचारी जखमी झाले आहेत. भारतीय दुतावासाने याबाबत माहिती दिली असून मृत भारतीय नागरिकाबद्दल शोक व्यक्त केला आहे. तसेच स्थानिक प्रशासनासोबत समन्वय साधून मदतकार्य सुरू असल्याचेही सांगितले आहे.

भारतीय दूतावासाने X वर दिली माहिती

भारतीय दूतावासाने रविवारी X वर पोस्ट एक पोस्ट करत या घटनेची माहिती दिली. दूतावासाने म्हटले, ‘आज मॉस्को परिसरात झालेल्या ड्रोन हल्ल्यात एका भारतीय कर्मचाऱ्याचा मृत्यू झाला असून अन्य तीन भारतीय जखमी झाले आहेत. दूतावासाचे अधिकारी घटनास्थळी पोहोचले असून त्यांनी रुग्णालयात जखमी कर्मचाऱ्यांची भेट घेतली. या भीषण ड्रोन हल्ल्यात मृत्यू झालेल्या भारतीय कर्मचाऱ्याच्या कुटुंबीयांप्रती आम्ही संवेदना व्यक्त करतो. कंपनी व्यवस्थापन आणि स्थानिक प्रशासनासोबत मिळून या घटनेतील पीडिच कर्मचाऱ्यांना आवश्यक मदत मिळवून देण्यासाठी आम्ही काम करत आहोत.”

ड्रोन हल्ल्यात 3 जणांचा मृत्यू, 12 जखमी

रशियन अधिकाऱ्यांनी या हल्ल्याबाबत दिलेल्या माहितीनुसार, युक्रेनकडून करण्यात आलेल्या या ड्रोन हल्ल्यात किमान तीन जणांचा मृत्यू झाला असून 12 जण जखमी झाले आहेत. मॉस्कोचे महापौर सर्गेई सोब्यानिन यांच्या मते रशियन हवाई संरक्षण यंत्रणेने मध्यरात्री मॉस्कोकडे येणारे 81 ड्रोन हवेतच नष्ट केले. तसेच 24 तासांत 120 हून अधिक ड्रोन पाडण्यात आले आहेत. सोब्यानिन यांनी हा हल्ला युक्रेनकडून गेल्या एका वर्षात करण्यात आलेल्या सर्वात मोठ्या ड्रोन हल्ल्यांपैकी एक असल्याचे म्हटले आहे.

One Indian worker has lost his life and three others have been injured in a drone attack in Moscow region earlier today. Embassy officials have visited the location and met the injured workers in the hospital.

The Embassy condoles the loss of life and is working with the…

— India in Russia (@IndEmbMoscow) May 17, 2026

सर्गेई सोब्यानिन यांनी पुढे बोलताना सांगितले की, ‘या ड्रोन हल्ल्यांमुळे मॉस्कोतील तेल शुद्धीकरण तंत्रज्ञानावर कोणताही परिणाम झालेला नाही. मात्र परिसरातील तीन घरांचे नुकसान झाले आहे.’ रशियन संरक्षण मंत्रालयने सांगितले की, ‘मध्यरात्रीपासून सकाळपर्यंत मॉस्को प्रदेशासह संपूर्ण देशभरात गेल्या 24 तासांत एकूण 556 ड्रोन पाडण्यात आले आहेत.’ दरम्यान, आता या हल्ल्यानंतर रशिया काय उत्तर देणार हे पाहणे महत्त्वाचे ठरणार आहे.