मुस्लीम देशाकडून इराणवर भयानक हल्ले, गुप्तपणे धाडधाड…गुपित समोर येताच जगात खळबळ!
इराण आणि अमेरिका यांच्यातील युद्ध अजूनही थांबलेले नाही. सध्या हे युद्ध फक्त आत्पुरत्या स्वरुपात स्थगित करण्यात आलेले आहे. लवकरच पुन्हा एकदा युद्धाचा भडका उडू शकतो, अशी भीती व्यक्त केली जात आहे. असे असतानाच आता जगाला हादरवून टाकणारी एक माहिती समोर आली आहे.
सध्या अमेरिका आणि इराण यांच्यातील युद्धाचा मुद्दा खूपच गंभीर झाला आहे. दोन्ही देशांतील युद्ध अजूनही संपलेले नाही. त्यामुळेच भारत तसेच जगभरातील इतर देशांवर उर्जासंकट आले आहे. हे युद्ध सुरू झाल्यानंतर अमेरिका आणि इस्त्रायल यांच्यातील हल्ल्यांना प्रत्युत्तर देण्यासाठी इराणने अनेक आखाती देशांवर हल्ले केले होते. ज्या देशांत अमेरिकन लष्कराचे तळ आहेत, त्या देशांना इराणने प्रामुख्याने लक्ष्य केले होते. आता त्याच काळात यातील एका मुस्लीम राष्ट्राने इराणवर गुपचूप हल्ले केल्याचे समोर आले आहे. या गुप्त हल्ल्यांबाबत आता मोठी माहिती समोर आली आहे.
नेमकी काय माहिती समोर आली?
रॉयटर्स या वृत्तसंस्थेने दोन इराणी अधिकाऱ्यांच्या हवाल्याने हे वृत्त दिले आहे. या वृत्तानुसार इराण जेव्हा आखाती देशांवर हल्ले करत होता. तेव्हा सौदी अरेबिया या देशानेही इराणला जशास तसे प्रत्युत्तर दिले होते. हे हल्ले एकदम गुपचूप पद्धतीने करण्यात आले होते. विशेष म्हणजे या हल्ल्यांविषयी सौदी इरेबियाने कुठेही वाच्यता केली नव्हती. आता मात्र या हल्ल्यांबाबतची माहिती समोर आली आहे. सौदी अरेबियाने पहिल्यांदाच इराणवर अशा पद्धतीने जमिनीवरून हल्ले केलेले आहेत.
सौदी अरेबियाने प्रत्युत्तर म्हणून केले होते हल्ले
इराणी अधिकाऱ्यंनी दिलेल्या माहितीनुसार मार्च महिन्यातील शेवटच्या आठवड्यात सौदी अरेबियाने हे हल्ले केले होते. याच काळात इराणकडून आखाती देशांवर हल्ले केले जात होते. अमेरिका देश इराणवर हल्ले करत होता. त्याच हल्ल्यांना प्रत्युत्तर म्हणून आखाती देशांमधील अमेरिकन लष्करी तळांवर इराणकडून ड्रोन आणि क्षेपणास्त्र डागले जात होते. अगोदर सौदी अरेबियावर हल्ले झाले होते. त्यानंतर मग या देशाने प्रत्युत्तरादाखल हे प्रतिहल्ले केले होते.
हल्ले नेमके कुठे झाले कोणालाही माहिती नाही
दरम्यान या हल्ल्यांत इराणचे नेमके किती नुकसान झाले? हे अद्याप समोर आलेले नाही. सोबतच इराणच्या नेमक्या कोणत्या ठिकाणांवर हे हल्ले करण्यात आले, याबाबतही नेमकी माहिती समोर आलेली नाही. सौदी अरेबियातील परराष्ट्र मंत्रालयातील अधिकाऱ्यांनीदेखील या हल्ल्यांची पुष्टी केलेली नाही.
