निकोलस मादुरोंच्या हातात बेड्या अन् अंगावर नाइकीचा ट्रॅक सुट, किंमत वाचूल थक्कच व्हाल!

जेव्हा एखाद्या देशाच्या राष्ट्रपतीला अटक केली जाते तेव्हा संपूर्ण जगाच्या नजर त्या देशाच्या निर्णयांवर असतात. पण यावेळी निर्णयांपेक्षा कपड्यांवर जास्त लक्ष गेले. व्हेनेझुएलाचे राष्ट्रपती निकोलस मादुरोची एक फोटो सोशल मीडियावर समोर आला आणि पाहता पाहता व्हायरल झाला. हातकड्या, डोळ्यांवर पट्टी आणि साउंडप्रूफ हेडफोन लावलेले निकोलस यांच्या नाईट सूटने सर्वांचे लक्ष वेधले. या नाईट सूटची किंमत किती असेल असा प्रश्न अनेकांना पडला आहे. जाणून घेऊया त्यांच्या किंमतीविषयी…

नाइट ड्रेसने वेधले सर्वांचे लक्ष

मादुरोने यांनी अटकेच्या वेळी नाइकी टेक फ्लीसचा ट्रॅक सूट घातला होता. हा ट्रॅक सूट हलका, स्टाइलिश आणि आरामदायक मानला जातो. सोशल मीडिया युजर्सनी लगेच ओळखले की हा नाइकीचा प्रीमियम सेगमेंटचा आउटफिट आहे. पाहता पाहता प्रश्न उभे राहिले की, राजकीय संकटाच्या मध्ये राष्ट्रपती इतका महागड्या ब्रँडचे कपडे घालून झोपत आहेत.

या ट्रॅक सूटची किंमत किती

सोशल मीडियावर आलेल्या माहितीनुसार, मादुरो यांनी नाइकी टेक फ्लीसची जॅकेट आणि पँट घातली होती. नाइकीच्या अधिकृत वेबसाइटवर या जॅकेटची किंमत सुमारे १४० अमेरिकी डॉलर आणि पँटची किंमत जवळपास १२० अमेरिकी डॉलर सांगितली जाते. म्हणजे पूर्ण ट्रॅक सूट सुमारे २६० डॉलर, म्हणजे भारतीय रुपयांत अंदाजे २१-२२ हजार रुपये होतात. काही सोशल मीडिया युजर्सचा दावा आहे की मादुरो यांची साइज 3 एक्सएल होती आणि ती साइज अनेक ठिकाणी आऊट ऑफ स्टॉक झाली आहे.

इतर ऍक्सेसरीजची किंमतही समोर आली

मादुरो यांच्या कपड्यांसोबत त्यांच्या इतर वस्तूंवरही लोकांचे लक्ष वेधले. त्यांच्या डोळ्यांवर जो स्लीप मास्क होता, त्याची किंमत सुमारे ६ डॉलर सांगितली जाते. तर कानात घातलेल्या अँटी-नॉइज ईयर प्रोटेक्टरची किंमत जवळपास ११ डॉलर आहे. म्हणजे अटकेदरम्यान घातलेल्या वस्तू साध्या दिसण्यासारख्या असल्या तरी ब्रँडेड आणि निश्चित किंमतीच्या होत्या.

भारतात किती किंमत

भारतात नाइकी टेक फ्लीससारखी नाइकी टेक फुल-झिप विंडरनर हुडीची किंमत सुमारे ६,९९५ रुपये आहे. मात्र भारतात पूर्ण ट्रॅक सूटची किंमत मॉडेल आणि उपलब्धतेवर अवलंबून वेगवेगळी असू शकते. मादुरो यांच्या फोटोनंतर भारतासह अनेक देशांमध्ये लोक हा ट्रॅक सूट ऑनलाइन सर्च करू लागले आहेत.