Irana Attack Qatar : पाच वर्षांसाठी कतरचा LNG पुरवठा.. वाईट बातमी, भारताचं नाव या देशांच्या लिस्टमध्ये आहे का?

इस्रायलने इराणच्या साऊथ पार्स गॅस फिल्डवर हल्ला केल्यानंतर इराणने प्रत्युत्तर म्हणून कतर आणि सौदी अरेबियाच्या तेल आणि गॅस प्रकल्पांवर हल्ले केले. या हल्ल्यामुळे कतरची 17 टक्के LNG निर्यातीची क्षमता बाधित झाली आहे. वार्षिक उत्पन्नात 20 अब्ज डॉलर्सचं नुकसान होणार आहे. कतर एनर्जीचे सीईओ आणि ऊर्ज मंत्री साद अल-काबी यांनी ही माहिती दिलीय. ही अजिबात चांगली बातमी नाहीय. या हल्ल्यामुळे कतरचा पाच वर्षांसाठी एलएनजी पुरवठा विस्काळीत होणार आहे. युरोपियन आणि आशियाई देशांना या प्रकल्पातून एलएनजीचा पुरवठा होतो. यात भारत आणि चीन हे देश सुद्धा आहेत.

“मागच्या काही दिवसात इराणने केलेल्या हल्ल्यामुळे कतरच्या 14 एलएनजी ट्रेन्स पैकी दोन आणि गॅस टू लिक्विड GTL च्या एका प्रकल्पाचं नुकसान झालं आहे. मी स्वप्नातही असा विचार केला नव्हता की, रमजानच्या महिन्यात मुस्लिम बंधु देशाकडून कतर आणि या क्षेत्रातील प्रकल्पांवर असे हल्ले होतील” असं अल काबी रॉयटर्स वृत्तसंस्थेशी बोलताना म्हणाले. इस्रायलने गॅस प्रकल्पावर हल्ला केल्यानंतर इराणने कतरच्या एलएनजी प्लांटवर हल्ला केला. इराणने कतरच्या रास लफानवर हल्ला केला. हा इराणमधील मोठा LNG प्लांट आहे. त्यामुळे एलएनजी उत्पादन बाधित होणार आहे. “उत्पादन सुरु करण्यासाठी आधी हे हल्ले थांबले पाहिजेत” असं अल काबी यांनी म्हटलं आहे.

दुरुस्तीला किती वर्ष लागतील?

“युद्धामुळे या भागाचं जे नुकसान झालय त्यातून पुन्हा उभं रहायला 10 ते 20 वर्ष लागतील. अनेक लोकांसाठी वास्तव्यासाठी ही सुरक्षित जागा मानली जायची. त्या प्रतिमेला सुद्धा धक्का लागलाय” असं अल काबी म्हणाले. नुकसान झालेल्या एलएनजी प्लांटमध्ये एक्सॉन मोबिल ही अमेरिकेन कंपनी पार्टनर आहे. GTL फॅसिलिटीचं सुद्धा नुकसान झालय. ही दुरुस्ती व्हायला अजून काही वर्ष लागतील. टेक्सास स्थित एक्सॉन मोबिलचा एलएनजी ट्रेन S4 मध्ये 34 टक्के वाटा आहे. S6 मध्ये 30 टक्के वाटा आहे. ट्रेन S4 मुळे इटली, बेल्जियमचा एलएनजी पुरवठा बाधित होईल. S6 चा दक्षिण कोरिया आणि चीनला फटका बसेल.