मोठी बातमी! युद्ध थांबलं, थेट डोनाल्ड ट्रम्प यांची घोषणा; संपूर्ण जगाने सोडला सुटकेचा निश्वास!

अमेरिकेचे राष्ट्राध्यक्ष डोनाल्ड ट्रंप यांनी इराणशी संबंधित युद्धाबाबत एक मोठी अपडेट दिली आहे. मध्य पूर्वातील सध्याच्या संघर्षाबाबत इराणशी सकारात्मक चर्चा झाल्याचे त्यांनी सांगितले असून, युद्ध पूर्णपणे संपुष्टात येण्याची शक्यता व्यक्त केली आहे. याशिवाय, त्यांनी इराणच्या वीज प्रकल्प आणि ऊर्जा पायाभूत सुविधांवर होणारे सर्व हल्ले पाच दिवसांसाठी स्थगित केल्याची घोषणा केली आहे. ट्रंप यांच्या या वक्तव्यामुळे युद्ध आता हळूहळू शांततेकडे वळत असल्याचे संकेत मिळत आहेत.

ट्रम्प यांनी सोशल मीडियावर केलेल्या पोस्टमध्ये म्हटले की, “मला हे सांगताना खूप आनंद होत आहे की गेल्या दोन दिवसांत संयुक्त राज्य अमेरिका आणि इराण यांच्यात खूप चांगली आणि सकारात्मक चर्चा झाली आहे. ही चर्चा मध्य पूर्वातील आमच्या संघर्षाचे पूर्ण समाधान काढण्याशी संबंधित आहे. या सखोल, विस्तृत आणि रचनात्मक चर्चेच्या वातावरणामुळे, जी संपूर्ण आठवडाभर सुरू राहणार आहे, मी युद्ध विभागाला आदेश दिला आहे की इराणच्या वीज प्रकल्प आणि ऊर्जा पायाभूत सुविधांवर होणारे सर्व सैन्य हल्ले पाच दिवसांसाठी स्थगित करावेत. हा निर्णय सुरू असलेल्या बैठका आणि चर्चेच्या यशावर अवलंबून असेल.”

US President Donald Trump posts on Truth Social, “…I have instructed the Department of War to postpone any and all military strikes against Iranian power plants and energy infrastructure for a five day period, subject to the success of the ongoing meetings and discussions” pic.twitter.com/N3Bavc4ylv

— ANI (@ANI) March 23, 2026

ट्रंप यांच्या या घोषणेनंतर इराणकडून काय प्रतिक्रिया आली?

ट्रंप यांच्या या पूर्ण कॅपिटल लेटर्समध्ये असलेल्या सोशल मीडिया पोस्टनंतर पुन्हा एकदा खळबळ उडाली आहे. इराणच्या राष्ट्रीय सुरक्षा आणि परराष्ट्र धोरण आयोगाचे प्रवक्ते इब्राहीम रेजाई यांनी प्रतिक्रिया देताना म्हटले, “लढाई सुरूच आहे आणि ही शत्रूसाठी आणखी एक पराभव आहे. ट्रंप आणि अमेरिका पुन्हा एकदा पराभूत झाले आहेत.” इराणकडून आलेली ही प्रतिक्रिया ट्रंप यांना उत्तेजित करणारी आहे. इराणने हे स्पष्ट केले आहे की पडद्यामागे किंवा प्रत्यक्षरित्या अमेरिकेशी कोणतीही चर्चा झालेली नाही आणि ट्रंप यांचे हे दावे पूर्णपणे खोटे आहेत. इराण हे पाऊल अमेरिकेने आपल्यासमोर गुडघे टेकले असल्याचे सांगत आहे. या घडामोडींमुळे अमेरिकेच्या शेअर बाजारात मोठी उसळी दिसून आली असून, इराणच्या शेजारील देशांमध्येही काही प्रमाणात दिलासा निर्माण झाला आहे.