मला वाटत होते की, लोक त्याचा तिरस्कार करतात पण, खामेनेई यांच्या अंत्यसंस्कारावेळी लोकांना रडताना पाहून ट्रम्प यांना धक्का…

अमेरिकेचे राष्ट्राध्यक्ष डोनाल्ड ट्रम्प यांनी नुकताच मोठी धमकी दिली. सर्वोच्च नेते आयातुल्ला अली खामेनेई यांच्या अत्यंतसंस्कारादरम्यान एकाच हल्ल्यात आम्ही सर्वकाही संपू शकतो. उरले सुरले सर्वकाही नष्ट करू शकतो. मात्र, आपण तसे काही करणार नसल्याचेही त्यांनी म्हटले. आयातुल्ला अली खामेनेई यांच्या अत्यंयात्रेवेळी लोक रडत होते, हे पाहून डोनाल्ड ट्रम्प यांना मोठा धक्का बसला. डोनाल्ड ट्रम्प यांनी थेट म्हटले, मला वाटत होते की, लोक त्यांचा तिरस्कार करतात. पण त्यावेळी इराणी लोक रडत होते. मला वाटते की, ते खोटे रडत होते. मी इराणच्या उरल्यासुरल्या नेतृत्वाला नष्ट करू शकतो,पण मी तसे करणार नाही. कारण युद्धविरामाची वाटाघाटी करण्यासाठी कोणीतही शिल्लक पाहिजे ना… आयातुल्ला अली खामेनेई यांच्या अंत्यसंस्काराला युद्धविराम चर्चा एका आठवड्यासाठी थांबवण्यात आली.

ॲक्सिओससोबत बोलताना डोनाल्ड ट्रम्प यांनी म्हटले की, ते सर्व तिथे आहेत. एका हल्ल्यात त्या सर्वांना संपू शकतो. पण मी तसे करणार नाही. कारण वाटाघाटी करण्यासाठी कोणीतरी शिल्लक पाहिजे ना. ते युद्धविराम करण्यासाठी आमच्याकडे विनवणी करत आहेत. या काळात दोन्हीपैकी कोणतीही बाजू दुसऱ्यावर हल्ला करणार नाही, असेही ट्रम्प यांनी म्हटले.

खामेनेई यांच्या अंत्ययात्रेसाठी लाखो इराणी नागरिक रस्त्यांवर जमले आहेत आणि ही घटना जगभरात चर्चेचा विषय ठरली आहे. अंत्ययात्रेदरम्यान इराणी नागरिकांना रडताना पाहून डोनाल्ड ट्रम्प यांनी आश्चर्य व्यक्त केले. लोकांचा खामेनेई यांच्यावर तिरस्कार असावा, असे ट्रम्प यांच्यासह अनेक देशांना वाटत होते. मात्र, प्रत्यक्षात लोक रस्त्यावर उतरून रडताना दिसत आहेत. आपल्या नेत्याला अखेरचा निरोप देताना लोकांचे अश्रू वाहत आहेत.

इराण आणि अमेरिका युद्धाला 28 फेब्रुवारीपासून सुरूवात झाली. पहिल्याच हल्ल्यात अमेरिकेने इराणच्या सर्वाेच्च नेत्याला ठार केले. त्यानंतर इराणने अमेरिकेला उत्तर दिले. हे युद्ध फार काळ चालणार नसल्याचे अमेरिकेने स्पष्ट केले होते. मात्र, अमेरिकेने ज्याचा विचारही केला नाही, असे युद्ध भडकले. इराणने अमेरिकेने सळो की पळो करून या काळात सोडले.