7 मे रोजी ऑपरेशन सिंदूर आता 7 जूनच्या मध्यरात्रीही पाकिस्तान हादरणार? पाक सरकार अलर्ट मोडवर

महिन्याच्या सात तारखेला येणारं संकट काही केल्या पाकिस्तानची पाठ सोडायला तयार नाही, 7 मे 2025 च्या रात्री भारतानं ऑपरेशन सिंदूर अंतर्गत पाकव्याप्त काश्मीर आणि पाकिस्तानवर एअर स्ट्राईक केला. या एअर स्ट्राईकमध्ये पाकिस्तानमधील दहशतवाद्यांचे 9 अड्डे उद्ध्वस्त झाले, तसेच 100 हून अधिक दहशतवादी ठार झाले. आता पुन्हा एकदा अशी चर्चा सुरू झाली आहे की, सात जूनला पाकिस्तानमध्ये काहीतरी मोठं घडणार आहे, या संदर्भातील भाकीत पाकिस्तानी एक्सपर्टकडून वर्तवण्यात आलं आहे.

पाकिस्तानच्या कराची शहराला गेल्या 72 तासांमध्ये भूकंपाचे तब्बल 27 धक्के बसले आहेत. याचदरम्यान पाकिस्तानच्या भूकंप न्यूज आणि रिसर्च सेंटरचे सीईओ शाहबाज लघारी यांनी मोठं भाकीत केलं आहे. सात जूनला कराचीमध्ये रात्री मोठा भूकंप येऊ शकतो असं त्यांनी म्हटलं आहे. लघारी यांनी वर्तवलेल्या अंदाजानुसार हा भूकंप खूप शक्तिशाली असू शकतो, ज्यामुळे कारचीचं प्रचंड नुकसान होऊ शकतं. या पार्श्वभूमीवर कराचीमधील नागरिकांसाठी अलर्ट जारी करण्यात आला आहे.

लघारी यांनी नेमकं काय म्हटलं?

पाकिस्तानी मीडियाने दिलेल्या माहितीनुसार लघारी यांनी असा दावा केला आहे की, ज्या प्रकारे सध्या कराची शहराला छोटे-छोटे भूकंपाचे धक्के बसत आहेत, ते पाहाता शुक्रवारी आणि शनिवारच्या मध्यरात्री काराचीला भूकंपाचा शक्तिशाली धक्का बसू शकतो. या भूकंपामध्ये शहराचं मोठं नुकसान होण्याची शक्यता आहे.दरम्यान यापूर्वी लघारी यांनी भूकंपाच्या छोट्या-छोट्या धक्क्यांबाबत देखील भाकीत केलं होतं, ते आता खरं ठरलं आहे, त्यामुळे सध्या संपूर्ण पाकिस्तानमध्ये चिंतेचं वातावरण आहे.

शुक्रवारची रात्र कराचीमधील नागरिकांसाठी महत्त्वाची असणार आहे, सिंध प्रातांतील सरकारने हातात वेळ असतानाच कारचीमधील नागरिकांना सतर्कतेचा इशारा दिला पाहिजे.कराचीच्या कोरंगी आणि मालिर क्षेत्रात छोटे- छोटे क्रॅक आहेत, जे भूकंपाचे कारण ठरत आहेत, असं लघारी यांनी म्हटलं आहे.

दरम्यान लघारी यांचं भाकीत जर खरं ठरलं तर पाकिस्तानध्ये मोठं नुकसान होऊ शकतं. कारण पाकिस्तान सरकारच्या दाव्यानुसार सध्या तब्बल दोन कोटी लोकांचं कराचीमध्ये वास्तव्य आहे. जर या ठिकाणी खरच मोठा भूकंप आला, तर मोठ्या प्रमाणात जीवित आणि वित्तहानी होऊ शकते.