इराणने कुठे दडवले यूरेनियम? 400 KG च्या युरेनियमचा पुरावा मिळाला नाही?, अमेरिकेचा बस्टर बॉम्बहल्ला वाया गेला का ?

इराणच्या आण्विक तळांवर अमेरिकेने बॉम्बहल्ले केल्यानंतर इराणमधील समृद्ध युरेनियमचा साठी नष्ट झाला की तो वाचला ? असा प्रश्न निर्माण झाला आहे कारण अलिकडेच अमेरिकेने रातोरात एक मोठा हल्ला करीत इराणच्या तीन प्रमुख आण्विक साईट्सना लक्ष्य केले आहे. हल्ल्यानंतर अमेरिकेचे अध्यक्ष डोनाल्ड ट्रम्प यांनी मात्र इराणच्या प्रमुख युरेनियम साईट्सना संपूर्णपणे नष्ट केल्याचा दावा केला आहे.

या हल्ल्यासाठी अमेरिकेने अत्याधुनिक B-2 स्टील्थ बॉम्बर्सने 30,000 पाऊंड वजनाचे बंकर -बस्टर बॉम्बचा वापर केला आहे. परंतू इतक्या भयानक हल्ल्यानंतरही अमेरिकेतच संशय घेतला जात आहे की इराणचा युरेनियम साठा सुरक्षित आहे.जर हा दावा खरा असेल तर प्रश्न उरतो की 400 किलोग्रॅम एनरिच्ड यूरेनियमला इराणने कसे वाचवले आणि तो कुठे लपवून ठेवला आहे.

यूरेनियम गेले कुठे ?

इराणच्या आण्विक तळांवर बॉम्ब हल्ले केल्यानंतर रेडिएशन झाल्याचे कोणतेही वृत्त आलेले नाही. त्यामुळे इराण जवळ असलेले 408 किलोग्रॅम यूरेनियम जे 60 टक्क्यांपर्यंत शुद्ध म्हणजे समृद्ध आहे. (आण्विक शस्र बनवण्याच्या पातळीपर्यंत )आता हे युरेनियम कोठे आहे असा सवाल निर्माण झाला आहे.अमेरिकेने केलेल्या हल्ल्यानंतर इराणने अमेरिकेच्या एअर स्ट्राईकची कबूली दिली, परंतू अमेरिकेच्या युरेनियत संदर्भातील दाव्यांवर अनाकलीयन रित्या मौन बाळगले आहे.वास्तविक इराणी अधिकाऱ्यांनी या हल्ल्याने झालेल्या नुकसानाचा कोणताही विस्तृत माहीती जाहीर केलेली नाही.

एका विधानाने सर्व हल्ल्यातील हवाच निघाली…

बीबीसी वृतसंस्थेने एका इराणी अधिकाऱ्याचा हवाला देऊन म्हटले आहे की, “ही संवेदनशील सामग्री तिथून आधीच काढून टाकण्यात आली आहे.” इराणी अधिकाऱ्यांच्या या दाव्यामुळे जागतिक पातळीवर खळबळ उडाली आहे. तरीही या विषयावर पाश्चात्य तज्ञ्जांमध्ये स्पष्ट मतभेद आहेत.”हे सर्व ती युरेनियमची सामग्री आता कुठे आहे यावर अवलंबून आहे”असे फायनान्शियल टाईम्सने अमेरिकेचे माजी आण्विक नेगोशिएटर रिचर्ड नेफ्यू यांचे म्हणणे मांडले आहे.