Israel vs Houthi : रोखणही कठीण असं हायपरसोनिक मिसाईल इस्रायलच्या दिशेने येतं होतं पण….

बॅलेस्टिक, क्रूज मिसाईलपेक्षा पण हायपरसोनिक मिसाईल शक्तीशाली आहे. हायपरसोनिक मिसाईलचा हल्ला रोखणं सोप नाही. येमेनमधून इस्रायलवर हायपरसोनिक बॅलिस्टिक मिसाइल Palestine-2 ने हल्ला करण्यात आला. या मिसाईलसोबतच जुल्फिकार (Dhu Al-Fiqar) मिसाईलने सुद्धा हल्ला करण्यात आला. यामुळे मध्य इस्रायलमध्ये घबराट निर्माण होऊन एकच पळापळ सुरु झाली. लोक लपत होते. त्याचवेळी इस्रायलच्या एरो या एअर डिफेन्स सिस्टिमने या हायपरसोनिक मिसाईलला रोखलं. हे मिसाइल नष्ट केल्यानंतर त्याचे जळते तुकडे इस्रायलमध्ये पडले. त्यामुळे खूप वेळ सायरन वाजत होता.

लोकांना वाटलं की मिसाईलन टार्गेटला हिट केलं. जाफा आणि इलातमध्ये लष्करी टार्गेटला लक्ष्य केलं, असं हुती बंडखोरांकडून सांगण्यात आलं. जुल्फिकार मिसाईल कुठे कोसळलं? त्याची डिटेल येमेनने दिलेली नाही. हुती बंडखोरांनी मागच्या एक वर्षात इस्रायलवर 220 पेक्षा जास्त बॅलेस्टिक, क्रूज मिसाईल्स आणि ड्रोनद्वारे हल्ला केलाय. दक्षिण इस्रायली शहर इलातमध्ये बहुतांश हल्ले झाले. इस्रायलने सांगितलं की, “हुती बंडखोरांनी तीन मिसाईल्स डागली. दोन हवेतच नष्ट झाली. तिसरं मोकळ्या जागेत पडलं”

या मिसाईलचा स्पीड काय?

काही दिवसांपूर्वी येमेनने Palestine-2 हायपरसोनिक बॅलेस्टिक मिसाइलद्वारे तेल अवीववर हल्ला केला होता. हे मिसाइल अवघ्या 11 मिनिटात 2040 km अंतर कापून टार्गेटपर्यंत पोहोचलेलं. या मिसाईलचा स्पीड 19756 km/hr आहे. या मिसाईलला रोखण खूप कठीण होतं. इस्रायलच्या एरो एअर डिफेन्स सिस्टिमने यावेळी वातावरणाच्या कक्षेतच हे मिसाईल संपवलं. या मिसाईलची रेंज 2150 किलोमीटर आहे. Palestine-2 मिसाईल हवे मध्येच दिशा बदलू शकतं. म्हणजे एअर डिफेन्स सिस्टिमच्या इंटरसेप्टर सिस्टिमला चकवा देऊ शकतं. म्हणून हायपरसोनिक मिसाइलचा हल्ला खूप खतरनाक असतो.