विमान प्रवास करताना अस्वस्थ वाटते? ‘या’ 5 टिप्स येतील कामी

आपल्यापैकी अनेकांना व्यवसायच्या किंवा इतर कामानिमित्त बाहेर गावी तसेच परदेशात जावे लागते यासाठी विमान प्रवास हा सोयीस्कर आहे. कारण या विमान प्रवासात आपण दोन दिवसांचा प्रवास हा 2 तासांमध्ये पुर्ण करता येतो. विमान हे असे एक साधन आहे त्याद्वारे तुम्ही लांबचा प्रवास पटकन करू शकता. पण विमानामधील प्रवास करणे प्रतयेकाला जमेल असं नाही. कारण असे काही प्रवासी आहेत किंवा जे पहिल्यांदाच प्रवास करत आहेत त्यांना विमानात बसतातच अस्वस्थ वाटू लागते. विमानाचे टेकऑफ, हवेतील टर्ब्युलेंस किंवा लांब पल्ल्याच्या उड्डाणामुळे कोणालाही भीती किंवा चिंता वाटू लागते. त्यामुळे अनेकजण संपुर्ण प्रवासात अस्वस्थ आणि तणावात राहतात.

तर बहुतेकजण या समस्येपासून सुटका मिळावी म्हणून प्रत्येक वेळी औषधे घेत असतात. पण घेणे आवश्यक नाही. कारण काही नैसर्गिक आणि सोप्या उपायांचा अवलंब करून तुम्ही तुमचे मन शांत ठेवू शकता आणि तुमचा प्रवास आरामदायी बनवू शकता. अशा काही नैसर्गिक पद्धतींबद्दल जाणून घेऊया, ज्यांच्या मदतीने विमानातील अस्वस्थपणा नियंत्रित करता येते.

अँक्झायटी म्हणजे काय?

अँक्झायटी म्हणजे कोणतेही काम करण्यापूर्वी चिंता किंवा अस्वस्थता वाटणे. काही लोक फ्लाइटमध्ये बसूनही अँक्झायटी होत असते. हेल्थलाइनच्या अहवालानुसार सुमारे 40 टक्के लोकं फ्लाइटमध्ये बसून अँक्झायटी होतात. तर 6.5 टक्के लोकांना फ्लाइटचा फोबिया असतो. जर तुम्हालाही फ्लाइटमध्ये बसून अँक्झायटी वाटत असेल किंवा घाबरत असाल तर तेव्हा तुम्ही ते नैसर्गिक पद्धतीने कमी करू शकता.

1. खोल श्वास घेणे

जेव्हा जेव्हा तुम्ही विमानात बसता आणि अँक्झायटी वाटत असेल तेव्हा नाकातून दीर्घ श्वास घ्या आणि तोंडातून हळूहळू श्वास सोडा. याला 4-7-8 श्वासोच्छवास तंत्र असेही म्हणतात. म्हणले 4 सेकंद श्वास घ्या, 7सेकंद धरून ठेवा आणि 8 सेकंद श्वास सोडा. यामुळे मेंदूला ऑक्सिजन मिळतो आणि मज्जासंस्था शांत होते.

2. संगीत थेरपी घ्या

तुमचे आवडते शांत करणारे गाणं किंवा ध्यानधारणाचे ट्रॅक ऐकल्याने उड्डाणाची चिंता कमी होण्यास मदत होऊ शकते. हेडफोन लावा आणि पावसाचे आवाज, समुद्राच्या लाटा किंवा मऊ शास्त्रीय संगीत यासारखे आरामदायी आवाज ऐका. किंवा तुम्हाला आवडणारे कोणतेही संगीत.

3. हर्बल टी किंवा लैव्हेंडर तेल वापरा

विमान प्रवासापूर्वी किंवा नंतर कॅमोमाइल किंवा पेपरमिंट हर्बल चहा प्यायल्याने शरीराला आराम मिळतो. तसेच, रुमालावर लैव्हेंडर तेलाचे काही थेंब लावून त्याचा वास घेतल्यानेही ताण कमी होतो.

4. पुस्तक किंवा पॉडकास्टवर ध्यान करा

जर विमानात बसून तुमचे मन वारंवार अँक्झायटी होत असेल तर ते वळवणे महत्वाचे आहे. कोणताही तुमचे आवडते पुस्तक वाचा किंवा पॉडकास्ट ऐका. यामुळे तुमचे लक्ष वळेल आणि चिंता आपोआप कमी होईल.

5. खिडकी किंवा पुढची सीट बुक करा

जर तुम्हाला क्लॉस्ट्रोफोबिया वाटत असेल, तर खिडकीच्या सीटवर बसणे चांगले. बाहेर पाहिल्याने मन शांत होते. कमी अशांतता जाणवण्यासाठी, विमानाच्या पुढच्या भागात असलेल्या सीट निवडा, जिथे तुम्ही कमी धक्के टाळू शकता.