तुमच्या वॉर्डरोबमध्ये आहेत का या 9 प्रकारच्या जीन्स? जाणून घ्या त्यांची नावे आणि वैशिष्ट्ये

फॅशनच्या दुनियेत ट्रेंड्स येतात आणि जातात, पण एक कपड्याचा प्रकार मात्र कायम हिट असतो तो म्हणजे डेनिम जीन्स. प्रत्येक महिलेच्या वॉर्डरोबमध्ये एक तरी जीन्स नक्कीच सापडते. कारण जीन्स फक्त स्टाइलिशच नाही, तर आरामदायक, टिकाऊ आणि बहुपयोगीही आहे. पण तुम्हाला माहिती आहे का की जीन्ससुद्धा अनेक प्रकारच्या असतात? नाही तर मग अशा अनेक जीन्स प्रकारांबाबत आज आपण सविस्तर माहिती घेणार आहोत.

1. स्किनी जीन्स

ही जीन्स पूर्णतः टाइट असून ती पायाला चिकटून बसते. यासोबत फिटेड टॉप किंवा शॉर्ट कुर्ती उत्तम दिसते. स्लिम फिगरसाठी स्किनी जीन्स हा परफेक्ट पर्याय आहे.

2. स्लिम फिट जीन्स

स्किनी जीन्ससारखीच वाटणारी ही जीन्स हिप्स आणि थाईजवर फिट बसते, पण पायांकडे थोडी लूज असते. ती जास्त आरामदायक आणि डेलीवेअर म्हणून योग्य असते. कॅज्युअल लूकसाठी ही उत्तम निवड ठरते.

3. ओवरऑल जीन्स (डंगरी)

ही 90 च्या दशकातील लोकप्रिय स्टाइल पुन्हा फॅशनमध्ये परतली आहे. डंगरीसारखी दिसणारी ही जीन्स कोणत्याही कॉन्ट्रास्ट टॉपसोबत मस्त दिसते आणि तुम्हाला एक हटके लूक मिळतो.

4. स्ट्रेट फिट जीन्स

जांघेपासून पायाच्या टोकापर्यंत सरळ कट असणारी ही जीन्स कम्फर्टची कमाल आहे. ही ऑफिस, कॉलेज आणि पार्टी – सगळीकडे चालते. क्लासिक लूकसाठी बेस्ट!

5. जॉगर जीन्स

पायजमासारखी फिटिंग देणारी ही जीन्स हलकी आणि कंफर्टेबल असते. ती अधिकतर स्पोर्टी आणि युनिक लूकसाठी वापरली जाते. यासोबत कोणताही टॉप सहज मॅच होतो.

6. टू-टोन्ड जीन्स

दोन वेगवेगळ्या रंगांच्या कॉम्बिनेशनमध्ये मिळणारी ही जीन्स खूपच क्लासी दिसते. ती तुम्हाला ट्रेंडी आणि मॉडर्न लूक देते. ऑनलाईन किंवा मार्केटमध्ये सहज मिळू शकते.

7. फ्लेयर जीन्स

ही जीन्स पायाकडे फ्लेअर्ड म्हणजेच घेर असते. क्रॉप टॉप, लूज टॉप किंवा कुर्ती यासोबत ती अफलातून दिसते. या स्टाइलची जीन्स पुन्हा एकदा युथमध्ये लोकप्रिय झाली आहे.

8. हाय-वेस्ट जीन्स

आजकाल बहुतेक मुली हाय-वेस्ट जीन्सची पसंती करतात. ती फिटिंगसोबतच पोट लपवण्यासाठी उपयोगी ठरते आणि शरीराला स्लिम लूक देते. टक इन टॉपसोबत ही स्टाईल धमाल दिसते.

9. बेल बॉटम जीन्स

पुरातन सिनेमांत दिसणारी ही बेल बॉटम जीन्स आता पुन्हा फॅशनमध्ये आली आहे. पायाकडे अधिक घेर असल्यामुळे ती व्हिंटेज आणि रेट्रो लूक देते. कॉलेज गोइंग मुलींमध्ये ही जीन्स खूपच हिट आहे.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)