‘बर्मुडा ट्रँगल’ मध्ये किती विमाने झालीत गायब? इतक्या लोकांनी गमावले प्राण

‘बर्मुडा ट्रँगल’ हे नाव ऐकताच गूढ आणि भीतीदायक कथांची आठवण होते. या ‘Devil’s Triangle’ मध्ये विमानं आणि जहाजं रहस्यमयरित्या गायब होतात, असं म्हटलं जातं. पण खरंच असं आहे का? आणि किती विमानं इथे बेपत्ता झाली आहेत?

अपघातांचे आकडे

बर्मुडा ट्रँगलमध्ये नक्की किती विमानं आणि जहाजं गायब झाली, याचा कोणताही एकच अधिकृत आकडा नाही. वेगवेगळ्या स्रोतांनुसार हे आकडे बदलतात. ब्रिटानिका वेबसाइटनुसार, इथे ५० हून अधिक जहाजं आणि जवळपास २० विमानं बेपत्ता झाली आहेत. काही रिपोर्ट्स सांगतात की १९८० पर्यंतच २५ लहान-मोठी विमानं आणि जहाजं इथे गायब झाली, ज्यांचा काहीच पत्ता लागला नाही. १९४५ मध्ये अमेरिकन नौदलाची पाच लढाऊ विमानं याच भागात गायब झाली, ज्यात १४ सैनिक होते. त्यांचा आणि विमानांचा आजपर्यंत शोध लागलेला नाही. या घटनांमध्ये हजारो लोकांचा जीव गेल्याचा अंदाज आहे. अनेकदा तर अपघातग्रस्त वाहनांचे अवशेषही सापडलेले नाहीत, ज्यामुळे हे गूढ आणखी वाढतं.

‘अलौकिक’ की ‘वैज्ञानिक’?

बऱ्याच काळापासून लोक या घटनांना भूत-प्रेत किंवा एलियन्सशी जोडत आले आहेत. पण शास्त्रज्ञ यामागे काही नैसर्गिक आणि वैज्ञानिक कारणं असू शकतात असं मानतात.

नैसर्गिक आणि वैज्ञानिक कारणे

1. हवामानातील बदल: हा परिसर अटलांटिक महासागरात असून, इथे हवामान खूप लवकर बदलते. तीव्र वादळं, उंच लाटा आणि ‘Waterspouts’ इथे सामान्य आहेत.

2. मिथेन हायड्रेट्स: समुद्राच्या तळाशी असलेले Methane Gas अचानक बाहेर पडून पाण्याची घनता कमी करू शकतात, ज्यामुळे जहाजं बुडू शकतात. हा Gas विमानांच्या इंजिनमध्येही बिघाड करू शकतो.

3. चुंबकीय क्षेत्र: या भागात पृथ्वीच्या चुंबकीय क्षेत्रात काही विसंगती असल्याचं म्हटलं जातं, ज्यामुळे Compass चुकीची दिशा दाखवू शकतं.

4. मानवी चुका: खराब हवामानाचा अंदाज न घेणं किंवा नेव्हिगेशनमधील चुका हेही अपघाताचं कारण ठरू शकतं.

5. ‘गल्फ स्ट्रीम’ प्रवाह: हा शक्तिशाली सागरी प्रवाह अपघातग्रस्त वाहनांचे अवशेष दूरवर वाहून नेऊ शकतो.

6. भौगोलिक रचना: समुद्राखालील उंच डोंगर वाऱ्यांच्या प्रवाहात अडथळा आणून धोकादायक परिस्थिती निर्माण करू शकतात.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)