2000 रुपये खात्यात येणार, एका क्लिकवर तपासा बॅलेन्स

PM Kisan Samman Nidhi 20th Installment: तुम्ही देखील 2000 रुपयांच्या 20 व्या हप्त्याची वाट पाहत असाल तर आनंदाची बातमी आहे. मीडिया रिपोर्ट्सनुसार, पंतप्रधान नरेंद्र मोदी आज 18 जुलै रोजी हा हप्ता जारी करू शकतात.

Image Credit source: प्रातिनिधिक फोटो

एस. कुलकर्णी | Edited By: manasi mande | Updated on: Jul 18, 2025 | 11:39 AM

PM Kisan Samman Nidhi 20th Installment: देशभरातील कोट्यवधी शेतकरी 2,000 रुपयांच्या पुढील हप्त्याच्या प्रतीक्षेत आहेत. मीडिया रिपोर्ट्सनुसार, पंतप्रधान नरेंद्र मोदी 18 जुलै रोजी बिहारच्या मोतिहारी (पूर्व चंपारण) येथे जाहीर सभेत पीएम किसान योजनेचा 20 वा हप्ता जारी करू शकतात.

मात्र, सरकारकडून अद्याप अधिकृत दुजोरा मिळालेला नाही. पंतप्रधान नरेंद्र मोदी बिहारमधील मोतिहारी येथे 7,200 कोटी रुपयांपेक्षा जास्त किंमतीच्या अनेक विकास प्रकल्पांचे उद्घाटन आणि पायाभरणी करणार आहेत.

पीएम किसान सन्मान निधीचा 20 वा हप्ता

2,000 रुपयांचा पुढील हप्ता 18 जुलै 2025 रोजी जारी केला जाण्याची शक्यता आहे. या तारखेपासून शेतकऱ्यांना ही रक्कम त्यांच्या बँक खात्यात जमा होऊ शकते.

PM Kisan Samman Nidhi 20th Installment कधी येणार?

पीएम किसान योजनेअंतर्गत दर चार महिन्यांनी शेतकऱ्यांच्या खात्यात 2,000 रुपये जमा केले जातात. यापूर्वीचा (19 वा) हप्ता फेब्रुवारी 2025 मध्ये जारी करण्यात आला होता. 2024 मध्ये हा हप्ता जूनमध्ये आला होता पण यावेळी थोडा उशीर झाला असला तरी उद्या हा हप्ता निघेल अशी अपेक्षा आहे.

PM Kisan Samman Nidhi: पीएम किसान योजनेची शिल्लक कशी तपासावी?

बँक खाते आधार कार्डशी जोडलेले असावे.

येथे आधार लिंकिंग स्टेटस तपासा.

डीबीटी (डायरेक्ट बेनिफिट ट्रान्सफर) पर्याय शोधा.

ई-केवायसी पूर्ण करा.

पीएम किसान पोर्टलवरील ‘नो योर स्टेटस’ वरून आधार लिंकिंग स्टेटस तपासा.

आपले नाव लाभार्थ्यांच्या यादीत आहे की नाही हे जाणून घ्यायचे असल्यास, खालील स्टेप्स फॉलो करा.

PM Kisan Samman Nidhi: पीएम किसान लाभार्थी यादीतील नाव कसे तपासावे?

पीएम किसान वेबसाइट उघडा.

‘पेमेंट सक्सेस’ टॅबखाली भारताचा नकाशा दिसेल.

यलो डॅशबोर्ड टॅबवर क्लिक करा.

ग्राम डॅशबोर्ड विभागात संपूर्ण माहिती भरा.