Pune Corona : पुण्यात 24 तासात 7 कोरोनाबळी, रुग्णांची संख्या 1815 वर

पुणे : देशासह राज्यात कोरोना रुग्णांच्या संख्येत दिवसेंदिवस वाढ होत आहे. कोरोनाचा प्रादुर्भाव रोखण्यासाठी सरकारकडून अनेक प्रयत्न केले जात (Corona Patient Death Pune) आहेत. त्यासोबत लॉकाडऊनही घोषित करण्यात आला आहे. याच दरम्यान पुणे जिल्ह्यात काल (1 मे) 115 नवीन कोरोनाबाधित रुग्णांची वाढ झाली. त्यामुळं जिल्ह्यात आतापर्यंत 1815 कोरोनाबाधित रुग्ण झाले (Corona Patient Death Pune) आहेत.

पुणे जिल्ह्यात काल 24 तासात सात कोरोनाबाधित रुग्णांचा मृत्यू झाला आहे. जिल्ह्यात आतापर्यंत 99 रुग्णांचा मृत्यू कोरोनामुळे झाला आहे. तर 52 रुग्णांना डिस्चार्ज देण्यात आला आहे.

पुणे शहरात 24 तासात सहा कोरोनाग्रस्तांचा मृत्यू  

पुणे शहरात काल 24 तासात सहा कोरोनाग्रस्त रुग्णांचा मृत्यू झाला आहे. शहरात आतापर्यंत 91 रुग्ण दगावले आहेत. तर 93 नवीन कोरोनाबाधित रुग्णांची वाढ झाली. त्यामुळं पुणे शहरात आतापर्यंत 1611 कोरोनाबाधित रुग्ण झालेत. पुणे शहरात अॅक्टिव्ह रुग्ण 1195 सून 64 रुग्ण क्रिटिकल आहेत. आज 51 रुग्णांना डिस्चार्ज देण्यात आला आहे.

पुण्यात दररोज रुग्ण वाढत असल्याने पुण्यातील अनेक ठिकाणी प्रशासनाकडून अतिरिक्त निर्बंध लावण्यात आले आहेत. तसेच कोरोनाचा प्रादुर्भाव रोखण्यासाठी प्रशासनाकडून अनेक प्रयत्न केले जात आहेत.

दरम्यान, राज्यात आतापर्यंत 11 हजारपेक्षा अधिक कोरोना रुग्ण आढळले आहेत. तर 485 रुग्णांचा कोरोनामुळे मृत्यू झाला आहे. 1879 रुग्ण कोरोनामुक्त झाले असून त्यांना घरी सोडण्यात आले आहे.

संबंधित बातम्या :

Pune Corona | आणखी चार अधिकारी दिमतीला, अजित पवारांचा निर्णय, पुणे कोरोनाविरुद्ध लढाईचं नियोजन

कोरोनाविरुद्धच्या लढ्यात ‘मदतीचा आणि प्रेमाचा गुणाकार’, पुण्यात इंजिनिअर-डॉक्टर तरुणांकडून ‘रिलीफ पुणे’ मोहिम