जळगावात फेसबुक लाईव्हवर लग्न, नवदाम्पत्याकडून मुख्यमंत्री सहाय्यता निधीला 25 हजार

कोरोना विषाणूने संपूर्ण जगात धुमाकूळ घातला आहे. तसेच राज्यात संचारबंदी लागू करण्यात आली (Facebook live wedding jalgaon) आहे.

जळगावात फेसबुक लाईव्हवर लग्न, नवदाम्पत्याकडून मुख्यमंत्री सहाय्यता निधीला 25 हजार

जळगाव : कोरोना विषाणूने संपूर्ण जगात धुमाकूळ घातला आहे. तसेच राज्यात संचारबंदी लागू करण्यात आली (Facebook live wedding jalgaon) आहे. याच दरम्यान जळगावात एका कुटुंबाने मोजक्या नातेवाईकांच्या उपस्थितीत फेसबुक लाईव्हवर लग्न सोहळा साजरा केला. त्यासोबत 25 हजार रुपयांची मदत मुख्यमंत्री सहायता निधीला दिली. त्यामुळे जिल्ह्यात सर्वत्र या नववधू-वराची चर्चा (Facebook live wedding jalgaon) रंगली आहे.

भीमराव जाधव यांचे चिरंजीव युवराज आणि औरंगाबाद येथील सुभाष सातदिवे यांची कन्या चैशाली यांचा विवाह आज 19 मार्च रोजी ठरला होता. अचानक कोरोना महामारी आली आणि सचारबंदी लागू झाली.

आता लग्न सोहळा कसा होईल याची चिंता लागून असलेल्या मुला आणि मुलीकडील परिवाराला समता सैनिक दलाचे धर्मभूषण बागुल यांनी एक कल्पना सुचवली. केवळ 10 लोकांच्या उपस्थीतीत फेसबुक लाईव्हकरून लग्न उरकावे आणि लग्नात होणारा खर्च हा मुख्यमंत्री सहायता निधीत द्या. तसेच ठरल्या तारखेला हा सोहळा पार पाडावा.

या कल्पनेला वधू-वरासह मान्यवरांनी मान्यता दिली आणि आज हा आगळा वेगळा विवाह सोहळा पार पडला. 25 हजार रुपये मुख्यमंत्री सहायता निधीत जमा करण्याबरोबर कोरोना आजरावर नियंत्रण रहावं म्हणून काम करणाऱ्या पोलीस, पत्रकार आणि आरोग्य विभागाचे कर्मचारी यांना सुरक्षा किट भेट देऊन साजरा केला.

“या आगळ्या वेगळ्या लग्न सोहळ्याचे किती कौतुक केलं तरी कमी आहे मी शासनाच्या वतीने नवं वधूवरांचे आभार व्यक्त करतो”, असं प्रांत लक्ष्मीकांत साताळकर यांनी सांगितलं.


Click on your DTH Provider to Add TV9 MARATHI