Haj Yatra 2020 | यंदा भारतीयांना हज यात्रेची संधी नाही, फक्त सौदीतील यात्रेकरुंना परवानगी
देशात कोरोनाचा वाढता प्रादुर्भाव लक्षात घेता यंदा केवळ सौदी अरेबियामध्ये राहणाऱ्यांनाच हज यात्रा करता येणार (Haj Yatra 2020) आहे.
नवी दिल्ली : देशात कोरोनाचा वाढता प्रादुर्भाव लक्षात घेता यंदा केवळ सौदी अरेबियामध्ये राहणाऱ्यांनाच हज यात्रा करता येणार आहे. भारतीयांना हज यात्रेवर पाठवलं जाणार नाही. केंद्रीय अल्पसंख्याक मंत्री मुख्तार अब्बास नकवी यांनी याबाबतची माहिती दिली. गेल्या काही दिवसांपासून हज यात्रा रद्द करण्यात आल्याचं म्हटलं जात आहे. मात्र त्यानंतर आता हा बदल करण्यात आला आहे. (Haj Yatra 2020 India not send Haj pilgrims to Saudi Arabia)
केंद्रीय अल्पसंख्याक मंत्र्यांनी दिलेल्या माहितीनुसार, काल सौदी अरेबियाच्या हज मंत्र्यांनी नकवी यांना फोन केला होता. त्यावेळी त्यांनी यंदा कोरोनाच्या पार्श्वभूमीवर हज यात्रा ही परदेशींसाठी रद्द करत आहोत. त्यामुळे यंदा भारतातून हज यात्रेस येणाऱ्या यात्रेकऱ्यांना पाठवू नये, अशी सूचना केली होती.
त्यांची ही सूचना पाळत 2020 च्या हज यात्रेसाठी भारतीयांना सौदी अरबियाला जाण्यास परवानगी दिली जाणार नाही. कोरोनाच्या पार्श्वभूमीवर सोेशल डिस्टन्सिंग नियमांचे पालन व्हावे, यासाठी हा निर्णय केंद्र सरकाने घेतला आहे.
भारतातील मुसलमान हज 2020 साठी सौदी अरेबियाला जाणार नाहीत
कोणतेही शुल्क न कापता अर्जदारांनी जमा केलेली रक्कम तातडीने परत करण्याची प्रक्रिया सुरु; ऑनलाईन डीबीटी पद्धतीने अर्जदारांच्या बँक खात्यात पैसे होणार जमा : केंद्रीय मंत्री @naqvimukhtar
?https://t.co/Hurmo9EArP pic.twitter.com/21ZHIS0kfz
— PIB in Maharashtra ?? (@PIBMumbai) June 23, 2020
दरम्यान यंदाच्या हज यात्रेसाठी जवळपास 2 लाख 13 हजार लोकांनी अर्ज केले होते. या सर्वांना त्यांचे संपूर्ण पैसे तात्काळ बँक खात्यात परत देण्यात येतील, असा निर्णय केंद्र सरकारने घेतला आहे. आज पासून पैसे परत देण्याची संपूर्ण प्रक्रिया सुरु करण्यात आली आहे. हज यात्रेसाठी अर्ज केलेल्या सर्वांचे पैसे थेट त्यांच्या बँक खात्यात जमा होतील, असेही केंद्र सरकारने सांगितले आहे.
गेल्यावर्षी जवळपास 2 लाख भारतीय या हज यात्रेत सहभागी झाले होते. ज्यात 50 टक्के महिलांचा समावेश होता. (Haj Yatra 2020 India not send Haj pilgrims to Saudi Arabia)
संबंधित बातम्या :
Made In China | चिनी वस्तू इतक्या स्वस्त कशा? कॉपीकॅट चीनच्या बनवेगिरीची कहाणी
पतंजलीकडून कोरोनावरील Coronil औषध लाँच, 7 दिवसात रुग्ण बरा होण्याचा दावा
