कोल्हापूरच्या क्वारंटाईन सेंटरमध्ये ओली पार्टी, नातेवाईकांकडून दारुच्या बाटल्या-मटणाची डिलीव्हरी

कोल्हापुरातील क्वारंटाईन सेंटरमध्ये काही लोकांनी ओली पार्टी केल्याचा धक्कादायक प्रकार समोर आला (Kolhapur Quarantine center Liquor party) आहे.

कोल्हापूरच्या क्वारंटाईन सेंटरमध्ये ओली पार्टी, नातेवाईकांकडून दारुच्या बाटल्या-मटणाची डिलीव्हरी

कोल्हापूर : कोल्हापुरातील क्वारंटाईन सेंटरमध्ये काही लोकांनी ओली पार्टी केल्याचा धक्कादायक प्रकार समोर आला आहे. बिसलेरी बॉटलच्या बॉक्समधून दारुच्या बाटल्या क्वारंटाईन सेंटरमध्ये आणण्यात आल्याची माहिती समोर येत आहे. शनिवारी रात्री ही घटना घडली. विशेष म्हणजे या घटनेनंतर संबंधित व्यक्तींना केवळ तोंडी समज देऊन सोडण्यात आलं आहे. (Kolhapur Quarantine center Liquor party)

मिळालेल्या माहितीनुसार, कोल्हापुरात अनेक ठिकाणी संस्थात्मक क्वारंटाईन केलं जातं आहे. अशाच एका क्वारंटाईन सेंटरमध्ये शनिवारी रात्री काही व्यक्तींनी दारुची पार्टी केली. या सर्वांना बिसलेरी बॉटलच्या बॉक्समधून दारुच्या बाटल्या आणि मटण नातेवाईंकडून या ठिकाणी पोहोचवण्यात आले. त्यानंतर थाटामाटात या ठिकाणी दारुची पार्टी पार पडली.

या सर्व प्रकारामुळे परिसरात खळबळ उडाली. काही दिवसांपूर्वी या ठिकाणी संस्थात्मक विलगीकरण केंद्रात अशाच प्रकार घडला होता. त्यामुळे अनेक प्रश्न उपस्थित होत आहे.

काही दिवसांपूर्वी जिल्ह्यातील आजरा तालुक्यातील संस्थात्मक विलगीकरण केंद्रातही असाच प्रकार घडला होता. त्यामुळे संस्थात्मक विलगीकरण केंद्रात चाललेल्या पार्टी आणि त्या ठिकाणी सुरक्षेचा प्रश्न ऐरणीवर आला आहे. सध्या कोल्हापुरात 692 कोरोना रुग्ण आहेत. आतापर्यंत 8 जणांचा कोरोनामुळे मृत्यू झाला आहे. तर 521 रुग्ण बरे झाले आहेत.

महाराष्ट्रात 8 जून ते 13 जून या सहा दिवसात महाराष्ट्रात तब्बल 18 हजार 593 इतके रुग्ण वाढले आहेत. गेल्या चार दिवसापासून रुग्णवाढीचा वेग हा तीन हजारांच्या पुढेच आहे. तर दररोज शंभरपेक्षा जास्त कोरोना रुग्णांचा मृत्यू होत आहे. (Kolhapur Quarantine center Liquor party)

संबंधित बातम्या : 

महापालिकेच्या नायर कोविड रुग्णालयात त्रिशतक, 300 व्या कोरोनाबाधित मातेची सुखरुप प्रसूती

कोरोना लढ्यासाठी बीडचा प्लॅन “बी” तयार, 1365 रुग्णांवर उपचार करणारं भव्य कोरोना सेंटर सज्ज

Published On - 8:31 pm, Sun, 14 June 20

Click on your DTH Provider to Add TV9 MARATHI