सरकारी कर्मचाऱ्यांसाठी Mahindra ची खास स्कीम, कोणत्याही वाहनावर 11,500 रुपयांचा डिस्काऊंट

आगामी फेस्टिव्ह सिजन डोळ्यासमोर ठेवून देशातील आघाडीची ऑटोमोबाईल कंपनी महिंद्रा अँड महिंद्राने सरकारी कर्मचाऱ्यांसाठी फेस्टिव्ह ऑफर सादर केली आहे.

सरकारी कर्मचाऱ्यांसाठी Mahindra ची खास स्कीम, कोणत्याही वाहनावर 11,500 रुपयांचा डिस्काऊंट

मुंबई : आगामी फेस्टिव्ह सिजन डोळ्यासमोर ठेवून देशातील आघाडीची ऑटोमोबाईल कंपनी महिंद्रा अँड महिंद्राने (Mahindra & Mahindra) सरकारी कर्मचाऱ्यांसाठी फेस्टिव्ह ऑफर सादर केली आहे. या फेस्टिव्ह स्कीमद्वारे सरकारी कर्मचाऱ्यांना देशभरात वाहन खरेदीदरम्यान मोठी सूट मिळेल, तसेच इतरही अनेक फायदे मिळलीत. (Mahindra and Mahindra announced festive offer for government employee all over india)

Mahindra कंपनीने ही स्कीम ‘सरकार 2.0’ (Sarcar 2.0) या नावाने सादर केली आहे. ‘सरकार 2.0’ या स्कीमअतर्गत सरकारी कर्मचाऱ्यांना वाहन खरेदी करताना 11,500 रुपयांपर्यंतची रोख सूट मिळेल. तसेच कमी व्याजदर, सोपे मासिक हप्ते आणि इतर फायदे मिळलील. केंद्र आणि राज्य सरकारी कर्मचारी या स्कीमसाठी पात्र आहेत.

वाहन खरेदी करताना कर्जावर कोणतेही प्रक्रिया शुल्क आकारले जाणार नाही. तसेच 7.25 टक्के व्याजदरावर वाहन खरेदी करता येईल. कंपनीने म्हटलं आहे की सरकारी कर्मचाऱ्यांना इतरही अनेक फेस्टिव्ह ऑफर्स दिल्या जाणार आहेत. एक लाखामागे कमीत कमी 799 रुपयांपर्यंतचा मासिक हप्ता, आठ वर्षांपर्यंत हप्ते भरण्याची सुविधा असे अनेक लाभ मिळणार आहेत.

ऑक्टोबरमध्ये Mahindra च्या विक्रीत 14 टक्क्यांची घट

Mahindra & Mahindra कंपनीला ऑक्टोबर महिन्यात मोठा फटका बसला आहे. कंपनीच्या वाहन विक्रीत 14.52 टक्क्यांची घट झाली आहे. या महिन्यात केवळ 44 हजार 359 वाहनांची विक्री झाली आहे. तर गेल्या वर्षी ऑक्टोबर महिन्यात महिंद्राच्या 51 हजार 896 वाहनांची विक्री झाली होती. महिंद्राच्या प्रवासी वाहनांची (Passenger Vehicles) विक्री एक टक्क्याने वाढली आहे. या महिन्यात महिंद्राच्या 18 हजार 622 Passenger Vehicles Units ची विक्री झाली आहे. मागील वर्षी याच महिन्यात 18 हजार 460 वाहनांची विक्री झाली होती.

कमर्शियल व्हेईकल्समध्ये कंपनीने 3 हजार 118 युनिट्सची विक्री केली आहे. कमर्शियल व्हेईकल्सच्या विक्रीत तब्बल 56 टक्क्यांची घट झाली आहे. मागील वर्षी ऑक्टोबर महिन्यात 7 हजार 151 कमर्शियल व्हेईकल्सची विक्री झाली होती. यादरम्यान कंपनीकडून होणारी निर्यात 25 टक्क्यांनी कमी झाली आहे. या महिन्यात दोन हजार 21 वाहने निर्यात करण्यात आली आहेत. तर मागील वर्षी याच महिन्यात दोन हजार 703 वाहनं निर्यात करण्यात आली होती.

संबंधित बातम्या

जुन्या गाडीच्या बदल्यात नवी गाडी घेऊन जा; सरकारकडून विशेष सूट

Mahindra Thar 2020 खरेदी करताय? ‘इतके’ महिने वाट पाहावी लागेल

1 लिटर पेट्रोलमध्ये 95 किलोमीटर धावणार; दिवाळीत खरेदी करा ‘या’ चार बाईक

Festival Offer : दसरा, दिवाळीत Jeep Compass वर 1.5 लाखांची सूट

(Mahindra and Mahindra announced festive offer for government employee all over india)

Click on your DTH Provider to Add TV9 MARATHI