पुण्यात ‘लॉकडाऊन जोडप्यां’मध्ये कौटुंबिक हिंसाचार वाढला, नवरोबांना ‘क्वारंटाईन’चा इशारा

पुणे : लॉकडाऊनच्या काळात घरामध्ये दिवसाचे 24 तास आणि आठवड्याचे सातही दिवस एकमेकांची तोंडं पाहून नवरा-बायकोचे वाद वाढल्याचे विनोद सोशल मीडियावर पाहायला मिळत आहे. मात्र पुण्यात खरंच लॉकडाऊन दरम्यान हिंसाचाराची प्रकरणं वाढल्याचं निदर्शनास आलं आहे. समज देऊनही न ऐकणाऱ्या भांडकुदळ नवरोबांना ‘संस्थात्मक क्वारंटाईन’ करण्याचा इशारा देण्यात आला आहे. (Pune Domestic Violence increased husbands warned to send in institutional quarantine)

लॉकडाऊनच्या काळात वाढलेल्या कौटुंबिक हिंसाचाराला प्रतिबंध करण्यासाठी पुणे जिल्ह्यात ग्रामस्तरीय ‘महिला दक्षता समिती’ गठीत करण्यात आली आहे. समितीत ग्रामपंचायत महिला सदस्य, अंगणवाडी सेविका, महिला बचत गटातील सदस्य, अंगणवाडी मदतनीस यांचा समावेश असेल. ग्रामपंचायतीमधील ज्येष्ठ महिला या समितीची प्रमुख असेल.

हेही वाचा : पुणे पोलिसांचं मिशन ‘ऑल आऊट’, मॉर्निंग वॉकच्या नावाखाली फिरणाऱ्या ‘मच्छरां’वर कारवाई

कौटुंबिक हिंसाचाराची घटना घडल्यास पतीचं समुपदेशन करण्याचा सूचना देण्यात आल्या आहेत. मात्र समुपदेशन केल्यानंतरही काही सुधारणा न झाल्यास संबंधित पतीला संस्थात्मक क्वारंटाईन (institutional quarantine) करावं, यासाठी पोलीस निरीक्षकांची मदत घ्यावी, असंही सांगण्यात आलं आहे.

हेही वाचा : पुणे जिल्ह्यातील ‘या’ सहा तालुक्यात कोरोनाचा एकही रुग्ण नाही

गावामध्ये जीवनावश्यक वस्तूंचा पुरवठा सुरळीत करण्यासंदर्भात ग्रामसेवक आणि तलाठी यांच्याशी समन्वय साधावा, महिला दक्षता समितीला सांगण्यात आलं आहे.

सडपातळ महिलांना फटीतून ‘एक्साईज’च्या गोदामात पाठवलं, वर्ध्यात दारुच्या 202 पेट्या चोरीला https://t.co/7ljTImb9hD

— TV9 Marathi (@TV9Marathi) April 17, 2020

(Pune Domestic Violence increased husbands warned to send in institutional quarantine)