‘सूर्यवंशी’ ठरणार आदित्य ठाकरेंच्या नाईट लाईफचा ‘पहिला लाभार्थी’

मुंबई : पर्यटन मंत्री आदित्य ठाकरे यांच्या महत्त्वाकांक्षी ‘नाईट लाईफ’ योजनेचा ‘पहिला लाभार्थी’ ‘सूर्यवंशी’ हा चित्रपट ठरणार आहे. मुंबईतील थिएटर येत्या 24 मार्चपासून 24 तास सुरु राहणार आहेत. त्यामुळे मुंबईकर प्रेक्षक दिवसाच्या कुठल्याही प्रहरी सूर्यवंशी चित्रपटाचा खेळ पाहू शकणार (Sooryavanshi Movie Night Life) आहेत.

रोहित शेट्टी दिग्दर्शित आणि अक्षयकुमार आणि कतरिना कैफ यांची प्रमुख भूमिका असलेला ‘सूर्यवंशी’ चित्रपट मंगळवारी संध्याकाळी प्रदर्शित होणार आहे. बुधवारी म्हणजेच 25 मार्चला गुढीपाडव्याची सुट्टी आहे. मराठी नूतन वर्षाच्या आदल्या दिवशी सिनेमा रिलीज करुन प्रेक्षकांसाठी ‘लाँग वीकेंड’ तयार करण्याचा निर्मात्यांचा मानस आहे.

‘सूर्यवंशी’ या चित्रपटात अक्षय कुमार एटीएस प्रमुखाच्या भूमिकेत दिसणार आहे. याआधी शुक्रवार 27 मार्चाला सिनेमा रिलीज करण्याचं जाहीर करण्यात आलं होतं. परंतु ठाकरे सरकारच्या नव्या योजनेनंतर ही तारीख बदलण्यात आली.

‘सूर्यवंशी’ चित्रपटाचं चांगल्याप्रकारे मार्केटिंग करण्यात येत आहे. सिनेमाच्या टीझरमध्ये लहान मुलांचा उत्तम वापर केला आहे. ‘सूर्यवंशी’च्या टीझरमध्ये अजय देवगण आणि रणवीर सिंह या दोघांचंही दर्शन घडतं. रोहित शेट्टीने इन्स्टाग्राम, तर अक्षयकुमारने ट्विटरवरुन हा टीझर शेअर केला आहे.

Ain’t no time for crime ‘coz Aa Rahi Hai Police!????#Sooryavanshi releasing worldwide on 24th March.#SooryavanshiOn24thMarch@ajaydevgn @RanveerOfficial #KatrinaKaif #RohitShetty @karanjohar @RelianceEnt @RSPicturez @DharmaMovies #CapeofGoodFilms @PicturesPVR @TSeries pic.twitter.com/OJx1ytnOLM

— Akshay Kumar (@akshaykumar) February 24, 2020

रोहित शेट्टीच्या ‘सिंघम’ सिनेमाचा सिक्वेल असलेल्या ‘सिम्बा’ चित्रपटात अक्षयने ‘सूर्यवंशी’ चित्रपटाची घोषणा केली होती. रणवीर सिंहच्या ब्लॉकबस्टर ‘सिम्बा’ने बॉक्स ऑफिसवर अनेक विक्रम रचले होते.

Sooryavanshi Movie Night Life