बायो बबलचे नियम तोडून रस्त्यावर सिगरेट ओढणाऱ्या खेळाडूंवर 1 वर्षाची बंदी, श्रीलंकेच्या दिग्गज क्रिकेटपटूंची नाव सामिल

श्रीलंका क्रिकेट संघ इंग्लंडच्या दौऱ्यावर आहे. आधी टी-20 मालिका पराभूत झाल्यानंतर श्रीलंकचे काही दिग्गज क्रिकेटपटू बायो बबलचे नियम मोडून रस्त्यावर सिगारेट ओढताना आढळले आहेत. त्यांचा तसा व्हिडीओही व्हायरल झाला आहे.

banned sri lankan cricketer

TV9 मराठी डिजीटल टीम | Edited By: shashank patil | Updated on: Jun 30, 2021 | 5:34 PM

डरहॅम : इंग्लंडच्या दौऱ्यावर असणाऱ्या श्रीलंका क्रिकेट संघातील काही दिग्गज क्रिकेटपटूंचा धक्कादायक व्हिडीओ समोर आला आहे. इंग्लंडच्या दौऱ्यावर असणाऱ्य़ा श्रीलंकन क्रिकेटपटूंना कोरोनाच्या संकटामुळे कडक बायो बबलमध्ये राहण्याची सक्ती आहे. असे असतानाही काही श्रीलंकन क्रिकेटपटू बायो-बबलचे नियम मोडून कोणतीही कोरोना प्रतिबंधक काळजी न घेता सिगारेट ओढत रस्त्यावर फिरताना आढळून आले आहेत. संबधित खेळाडूंचा व्हिडीओ प्रचंड व्हायरल होत आहे. श्रीलंका क्रिकेट बोर्डाला (Sri Lanka Cricket Board) याबाबतची माहिती मिळताच त्यांनी कडक कारवाई करत व्हिडीओतील तिन्ही खेळाडूंवर 1 वर्षाची बंदी घातली आहे. (Sri lankan Cricketers Niroshan Dickwella Kusal Mendis and Danushka Gunathilaka Banned by Sri lanka Cricket Board For breaking Bio Bubble In England Tour)

या व्हिडीओत असणाऱ्या तिन्ही खेळाडूंची नाव कुसल मेंडिस (Kusal Mendis), निरोशन डिकवेला (Niroshan Dickwella) आणि दनुष्का गुणाथिलका (Danushka Gunathilaka) अशी आहेत. या तिघांनाही एक वर्षासाठी बॅन करण्यात आलं आहे. कोरोना विषाणू संबधित नियम तोडल्यामुळे त्यांच्यावर कारवाईचा बडगा उगारण्यात आला आहे.

Familiar faces in Durham tonight, enjoying their tour! Obviously not here to play cricket, this video was taken at 23.28 Sunday. Disappointing performance by these cricket players but not forgetting to enjoy their night at Durham. RIP #SrilankaCricket #KusalMendis #ENGvSL pic.twitter.com/eR15CWHMQx

— Nazeer Nisthar (@NazeerNisthar) June 28, 2021

टी-20 मालिकेतही सुमार प्रदर्शन

संबधित तिन्ही खेळाडूंचे इंग्लंडविरुद्धच्या मालिकेतील प्रदर्शनही खास नव्हते. कुसल मेंडिसने तीन सामन्यात केवळ 54 दावा केल्या. दनुष्काने तीन सामन्यात केवळ 26 धावांचे योगदान दिले. तर निरोशन डिकवेलायाने दोन सामने खेळले ज्यात तो केवळ 14 धावाच करु शकला. ऑक्टोबर, 2020 नंतर सलग पाचव्या टी-20 मालिकेत श्रीलंका संघाला पराभावाचा सामना करावा लागला आहे.

मेंडिस आणि डिकवेला वरीष्ठ खेळाडू

कुसल मेंडिस आणि निरोशन डिकवेला हे दोघेही श्रीलंका क्रिकेट संघातील दिग्गज खेळाडू असून मागील बरीच वर्षे संघात आहेत. मेंडिसने 47 टेस्ट आणि 79 वनडे मॅचसह 29 टी-20 सामने खेळले आहेत. तर डिकवेलाने 2014 पासून श्रीलंका संघाकडून 45 टेस्ट, 53 वनडे आणि 28 टी-20 सामने खेळले आहेत. हे दोघेही 2015 च्या विश्वचषकाच्या संघात सामिल होते. तर गुणाथिलका याने 8 टेस्ट, 44 वनडे आणि 30 टी-20 सामने श्रीलंका संघाकडून खेळले आहेत.

हे ही वाचा –