त्वचा आणि केसांसाठी ‘हे’ 3 आयुर्वेदिक उपाय फायदेशीर, वाचा याबद्दल अधिक !

सुंदर, मुलायम आणि चमकदार त्वचा मिळवण्यासाठी आपण सर्वजण प्रयत्न करत असतो.

त्वचा आणि केसांसाठी 'हे' 3 आयुर्वेदिक उपाय फायदेशीर, वाचा याबद्दल अधिक !

मुंबई : सुंदर, मुलायम आणि चमकदार त्वचा मिळवण्यासाठी आपण सर्वजण प्रयत्न करत असतो. सुंदर त्वचा म्हटंले की, आपल्याला आठवण होते पार्लरची मात्र, पार्लरमधील उत्पादनांचा वापर करून आपण काही काळपुरतीच सुंदर त्वचा मिळू शकतो. मात्र, घरगुती उपाय करून आपण नेहमीसाठी आपली त्वचा आणि केस सुंदर, मुलायम आणि चमकदार करू शकतो. (3 Ayurvedic remedies beneficial for skin and hair)

दूध
दूध आपल्या त्वचेसाठी अत्यंत फायदेशीर मानले जाते. दिवसातून किमान एकदातरी दूधाचा टोनर म्हणून वापर केला पाहिजे. दूध वापरल्याने आपला चेहरा मऊ पडतो. दुधात असणाऱ्या लॅक्टीक अॅसिडचा त्वचेसाठी चांगला फायदा होतो. सर्वात अगोदर दोन चमचे दुध घ्या आणि एक चमचा साखर घ्या आणि हे मिश्रण एकत्र करा आणि चेहऱ्याला लावा चेहऱ्याला 25 मिनिटे लावा आणि त्यानंतर थंड पाण्याने चेहरा धुवा. दररोज संध्याकाळी झोपण्याच्या अगोदर हे केल्याने आपला चेहरा मऊ आणि तजेलदार होईल.

कडुलिंबाची पाने
कडुलिंबामध्ये अनेक औषधी गुणधर्म असतात. आयुर्वेदात औषध म्हणून कडुलिंबाचा वापर केला जातो. याचा वापर केस आणि त्वचेसाठी फायदेशीर आहे. कडुलिंबामध्ये अँटी-बॅक्टेरियल, अँटी-इंफ्लेमेटरी आणि एनाल्जेसिक एजंट असतात. ते मुरुम कमी करण्यास मदत करतात. कडुलिंबाचे तेल आवळ्याच्या तेलात मिसळून केसांना लावू शकतो. हे केसांना पांढरे होण्यापासून वाचवते. कडुलिंबाच्या तेलात विटामीन ई आणि फॅटी अॅसिड असते. हे त्वचेचा पोत सुधारण्याचे कार्य करते. कडुलिंबाचे तेल केसात होणारे फंगल इंफेक्शन रोखण्याचे काम करते. यामुळे कोरडेपणा, खाज सुटणे आदि समस्या दूर करण्यास मदत करते.

लिंबाचा रस
लिंबाचा रस काढून तो केसांच्या मुळाशी लावावा. 10 ते 15 मिनिटांनी केस आधी पाण्याने धुवून, पुन्हा शॅम्पूने धुवा. यामुळे केस चमकदार होतील आणि डोक्यातील कोंडा आणि खाजही दूर होण्यास मदत होईल. खोबरेल तेल केसांना मॉयश्चरायझ करण्याचे काम करते. खोबऱ्याचे तेल थोडसे कोमट करून त्याने डोक्याचा मसाज करावा. त्यामुळे कोंड्याची समस्या कमी होईल. एका कांद्याचा रस काढून, कापसाच्या मदतीने डोक्याच्या त्वचेवर लावावा. त्यानंतर 20 मिनिटांनी केस धुवून टाकावे. त्यामुळे कोंड्याची समस्या नाहीशी होऊन, केसगळती रोखण्यास मदत होते.

(टीप : कोणत्याही कृतीपूर्वी डॉक्टरांचा सल्ला आवश्य घ्या.)

संबंधित बातम्या : 

Food | ‘या’ पदार्थांना दूर ठेवा आणि हिवाळ्याच्या काळात सर्दी-खोकल्यापासून सुरक्षित राहा!

(3 Ayurvedic remedies beneficial for skin and hair)

Read Full Article

Click on your DTH Provider to Add TV9 MARATHI