कडक उन्हामुळे होणारी जळजळ आणि खाजेपासून मुक्त होण्यासाठी करा हे घरगुती उपाय

मुंबई : तीव्र उष्णता, उच्च तापमान आणि घाम येणे यामुळे आपल्या त्वचेला खाज सुटणे आणि जळजळ होणे अशा समस्या उद्भवू शकतात. अशा परिस्थितीत आपण त्वचेच्या काळजीसाठी काही घरगुती उपचारांचा अवलंब करु शकता. हे त्वचेला शांत करण्यास मदत करतील. त्वचेच्या संरक्षणासाठी हे उपाय अत्यंत लाभदायी सिद्ध होतील. (Here are some home remedies to get rid of sunburn and itching)

कोरफड

त्वचेची काळजी घेण्यासाठी कोरफड खूप फायदेशीर आहे. आपण उन्हाळ्यात त्वचेसाठी याचा वापर करू शकता. आपल्या त्वचेवर हा ताजा रस लावल्यास त्वचेचा त्रास शांत होतो आणि बरे होण्यास मदत होते. कोरफड, अँटीबॅक्टेरियल आणि अँटीसेप्टीक गुणधर्मांचा एक स्रोत आहे. हे उष्णतेमुळे होणारे पुरळ कमी करण्यात मदत करते. हे आपल्या त्वचेला नैसर्गिकरित्या मॉइस्चराइझ करते. कोरफड जेल सर्व चेहऱ्यावर लावा, 15 मिनिटे सोडा आणि पाण्याने चांगले धुवा. उष्णतेपासून त्वरीत आराम मिळविण्यासाठी नियमितपणे याचा वापर करा.

मुलतानी माती

मुलतानी माती बंद छिद्र साफ करणे, घामोळ्यांचा इलाज करणे आणि त्वचेला मॉइश्चराईझ आणि फ्रेश ठेवण्याचे काम करते. हे प्राचीन काळापासून त्वचेच्या काळजीसाठी वापरले जात आहे. हे त्वचेतून जादा तेल आणि घाण काढून टाकते. हे त्वचा शांत करते. गुलाब पाण्यामध्ये मुलतानी माती मिसळून पेस्ट बनवा आणि सर्व चेहऱ्यावर लावा. त्यानंतर 15 मिनिटे ठेवा आणि थंड पाण्याने चांगले धुवा.

बेसन

बेसन आपल्या सर्वांच्या घरामध्ये सहज मिळते. हे पारंपरिक स्वरुपात त्वचेच्या देखभालीमध्ये मृत त्वचेला खोलवर साफ आणि एक्सफोलिएट करण्यासाठी वापरले जाते. आपण खाजेपासून मुक्त होण्यासाठी याचा वापर करू शकता. बेसन टॅन काढून टाकण्यास आणि त्वचेला चमकदार बनविण्यात देखील मदत करू शकते. यामुळे आपल्याला एकसमान टोन मिळते. एक कप बेसनमध्ये एक चमचा मध आणि दही मिसळून पेस्ट बनवा. चांगले मिसळा आणि ते आपल्या चेहऱ्यावर आणि मानेवर लावा, 20 मिनिटांनंतर ते धुवा.

कडुलिंबाची पाने

आपण त्वचेसाठी कडुलिंबाची पाने देखील वापरू शकता. हे त्वचेतील मृत पेशी काढून टाकण्यास मदत करते आणि त्वचेला शांत करते. यात अँटीऑक्सिडंट्स असतात. आपल्या त्वचेचे मेलेनिन उत्पादन कमी करण्यासाठी हे फायदेशीर आहे. हे आपल्या त्वचेवरील गडद डाग आणि लालसरपणा दूर करण्यास मदत करते. कडुलिंबाचा फेसपॅक तयार करण्यासाठी दोन चमचे कडुलिंबाची पावडर पाण्यात मिसळून पेस्ट तयार करा. त्यात एक चिमूटभर हळद घाला, चेहऱ्यावर 20 मिनिटे लावा आणि धुवा. (Here are some home remedies to get rid of sunburn and itching)

रेकॉर्ड ब्रेक: देशाची तिजोरी भरली, परकीय चलन साठा 611 अब्ज डॉलर्सच्या पुढे#businessnewsinmarathi #RBI #reservebankofindiahttps://t.co/Bjz1YKogoL

— TV9 Marathi (@TV9Marathi) July 16, 2021

इतर बातम्या

राज ठाकरे आमच्यापासून दूर गेलेले नाही, मनसे-भाजप युतीवर चंद्रकांतदादांचं मोठं विधान

पोलीस भरतीसंदर्भात महत्त्वाची बातमी, राज्य सरकारकडून शासन निर्णय जारी