Skin Care Tips : ‘हे’ घरगुती फेसपॅक वापरा आणि त्वचेची टॅनिंग दूर करा, यासोबतच सुंदर त्वचा मिळवा!

मुंबई : हानिकारक अतिनील किरण तुमच्या त्वचेला (Skin) हानी पोहोचवतात. अशा परिस्थितीत त्वचेवर टॅनसारख्या समस्येला सामोरे जावे लागते. टॅन काढण्यासाठी तुम्ही केमिकलयुक्त उत्पादनांऐवजी घरगुती फेसपॅक (Facepack) देखील वापरू शकता. टॅन रिमूव्हल फेसपॅक तुमच्या त्वचेचा टोन (Skin tone) अधिक चांगला ठेवण्यास मदत करतो. दही, लिंबू, टोमॅटो इत्यादी विविध घटकांचा वापर करून तुम्ही हा फेसपॅक बनवू शकता. टॅन काढण्याचा हा सर्वोत्तम मार्ग आहे.

1) कोरफड, हळद आणि मध फेसपॅक

हा फेसपॅक बनवण्यासाठी कोरफडीचे जेल घ्या. त्यात हळद घाला. मिक्स करून पेस्ट बनवा. 15 मिनिटे त्वचेवर राहू द्या. त्यानंतर त्वचेला मॉइश्चरायझ करा. आपण आठवड्यातून 2 वेळा वापरू शकता. मात्र, दरवेळी पेस्ट ही ताजीच तयार करा.

2) दही आणि मुलतानी माती फेसपॅक

हा फेस पॅक मुरुमांची समस्या दूर करण्यास मदत करतो. हे बनवण्यासाठी 2 चमचे दही, 1 चमचे बेसन आणि 1 चमचे मुलतानी माती लागेल. तिन्ही साहित्य एकत्र करून पेस्ट बनवा. ही पेस्ट स्वच्छ चेहऱ्यावर लावा आणि 15-20 मिनीटे सोडा आणि नंतर पाण्याने धुवा.

3) कॉफी, दही आणि हळद फेसपॅक

यासाठी एक चमचा कॉफी, एक चमचा हळद आणि पुरेसे दही घ्या. हे सर्व साहित्य एकत्र करून पेस्ट बनवा. 20 मिनिटे त्वचेवर राहू द्या. त्यानंतर त्वचा धुवून मॉइश्चरायझ करा. तुम्ही ते आठवड्यातून दोनदा वापरू शकता.

4) दूध पावडर, लिंबाचा रस आणि मध फेसपॅक

हा फेसपॅक बनवण्यासाठी मध, दुधाची पावडर आणि लिंबाचा रस समान प्रमाणात घ्या. सर्व एकत्र करून एकसमान पेस्ट बनवा. 20 मिनिटे त्वचेवर राहू द्या. त्यानंतर ताज्या पाण्याने त्वचा धुवा. आपण आठवड्यातून 2 वेळा वापरू शकता.

5) मसूर आणि दही

2-3 चमचे मसूर बारीक करून पावडर बनवा. एका भांड्यात थोडी मसूर पावडर घ्या आणि त्यात दही घाला. स्किन लाईटनिंग फेस मास्क तयार करण्यासाठी एकत्र मिसळा. ते चेहऱ्यावर तसेच मानेवर लावा आणि काही मिनिटांसाठी त्वचेला हलक्या हाताने मसाज करा. ते धुण्यापूर्वी 10-15 मिनिटे त्वचेवर सोडा. हा उपाय आठवड्यातून 2-3 वेळा करा. ह

6) हळद आणि पपई फेसपॅक

पपईचा लगदा बनवण्यासाठी एक कप पपईचे चौकोनी तुकडे घ्या आणि ते ब्लेंड करा. ते बाहेर काढा आणि त्यात एक चिमूटभर हळद घाला. एकत्र मिसळा आणि चेहऱ्यावर आणि मानेवर लावा. स्वच्छ पाण्याने धुण्यापूर्वी 15-20 मिनिटे त्वचेवर सोडा. हा फेसपॅक तुम्ही आठवड्यातून 2-3 वेळा लावू शकता.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Protein Rich Vegetables : प्रथिने युक्त ‘या’ 7 पदार्थांचा आहारात समावेश करा आणि निरोगी राहा!

Homemade Scrub : चमकदार त्वचेसाठी ‘हे’ घरगुती स्क्रब वापरा आणि सुंदर त्वचा मिळवा!