Skin Care : हिवाळ्यातही चमकदार त्वचा हवी आहे? मग ‘हे’ फेसपॅक नक्की ट्राय करा!

सुंदर आणि चमकदार त्वचा मिळवण्यासाठी आपल्यापैकी अनेकजण प्रयत्न करतात. मात्र, या हिवाळ्याच्या हंगामात त्वचेची काळजी घेणे अधिक कठिण होऊन जाते. या हंगामात बाजारातील ब्युटी क्रीम त्वचेला लावूनही काही विशेष फरक पडत नाही. या हंगामात त्वचेची काळजी घेण्यासाठी आपण घरगुती उपाय केले पाहिजे.

Skin Care : हिवाळ्यातही चमकदार त्वचा हवी आहे? मग 'हे' फेसपॅक नक्की ट्राय करा!
त्वचा

मुंबई : सुंदर आणि चमकदार त्वचा मिळवण्यासाठी आपल्यापैकी अनेकजण प्रयत्न करतात. मात्र, या हिवाळ्याच्या हंगामात त्वचेची काळजी घेणे अधिक कठिण होऊन जाते. या हंगामात बाजारातील ब्युटी क्रीम त्वचेला लावूनही काही विशेष फरक पडत नाही. या हंगामात त्वचेची काळजी घेण्यासाठी आपण घरगुती उपाय केले पाहिजे. ज्यामुळे त्वचेच्या समस्या दूर होण्यास मदत मिळते.

त्वचेचा कोरडेपणा दूर करण्यासाठी आपण बेसन, गुलाब पाणी, हळद, मुलतानी माती आणि खोबरेल तेलाचा फेसपॅक लावा. ज्यामुळे हिवाळ्याच्या हंगामात देखील कोरड्या त्वचेची समस्या दूर होईल आणि चमकदार त्वचा आपल्या मिळेल. बेसन, गुलाब पाणी, हळद, मुलतानी माती आणि खोबरेल तेल मिक्स करा. त्यानंतर त्याची चांगली पेस्ट तयार करा. ही पेस्ट आपल्या संपूर्ण चेहऱ्याला लावा. साधारण वीस मिनिटे ही पेस्ट आपल्या चेहऱ्यावर राहूद्या. त्यानंतर कोमट पाण्याने आपला चेहरा धुवा.

कडुलिंबामुळे त्वचा चमकदार आणि तरुण राहण्यास मदत होते. हे पुरळ कमी करण्यास आणि निस्तेज आणि कोरडी त्वचा निरोगी बनविण्यात मदत करते. हळदीमध्ये दाहक-विरोधी गुणधर्म आहेत. हे पुरळ काढून टाकण्यास मदत करतात. तसेच व्हाईटहेड्स, ब्लॅकहेड्स दूर ठेवतात. हा मास्क बनवण्यासाठी आधी 10-12 कडुलिंबाची पाने उकळून बारीक करा. त्यात अर्धा चमचा हळद घाला आणि हा पॅक चेहऱ्यावर लावा. ते कोरडे होऊ द्या आणि चांगल्या त्वचेसाठी कोमट पाण्याने धुवा.

हा फेस पॅक मुरुमांची समस्या दूर करण्यास मदत करतो. हे बनवण्यासाठी 2 चमचे दही, 1 चमचे बेसन आणि 1 चमचे मुलतानी माती लागेल. तिन्ही साहित्य एकत्र करून पेस्ट बनवा. ही पेस्ट स्वच्छ चेहऱ्यावर लावा आणि 15-20 मिनीटे सोडा आणि नंतर पाण्याने धुवा. हा फेस मास्क तुम्ही आठवड्यातून दोनदा वापरू शकता. दहीमध्ये बॅक्टेरियाविरोधी आणि दाहक-विरोधी गुणधर्म असतात. हरभऱ्याच्या पिठात असलेले झिंक त्वचेच्या संसर्गाशी लढण्यास मदत करते. मुलतानी माती कोरड्या त्वचेची समस्या दूर करते.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

Click on your DTH Provider to Add TV9 MARATHI