पावसाळ्यात पुदिन्याची पाने बरेच दिवस ताजी ठेवण्यासाठी ‘या’ पाच ट्रिक्सचा करा अवलंब

उन्हाळ्यात पुदिना केवळ अन्नाची चव वाढवत नाही तर शरीराला थंडावा देखील देतो. बऱ्याचदा असे काहीजण आहेत जे एका आठवड्यासाठी पुदिना खरेदी करतात, परंतु दोन-तीन दिवसांत त्याची पाने काळी पडू लागतात आणि वापरण्यायोग्य राहत नाहीत. तसेच सध्या पावसाळ्याचे दिवस सुरू आहेत तर या दिवसांमध्ये ही पुदिना लवकर खराब होतो. तसेच वारंवार बाजारात जाणं होत नाही म्हणून एकाच वेळी आपण पुदिनाच्या 2-3 जुड्या आणून ठेवतो. पण बऱ्याचदा पुदिना योग्य पद्धतीने न ठेवल्यामुळे सुकून जातो किंवा खराब होऊन जातो.

जर तुम्हाला पुदिना बराच काळ ताजा फ्रेश ठेवायचा असेल आणि चटणी किंवा पेयासाठी दरवेळी नवीन पुदिना खरेदी करावा लागू नये असे वाटत असेल, तर तुम्हाला तो योग्यरित्या कसा ठेवायचा हे माहित असले पाहिजे. तर आजच्या या लेखात आम्ही तुम्हाला पुदिना योग्य पद्धतीने ठेवण्याचे 5 सोपे पण प्रभावी मार्ग सांगणार आहोत, ज्याच्या मदतीने तुम्ही तो आठवडाभर ठेवू शकता. चला तर मग जाणून घेऊयात…

1. पुदिना पेपर टॉवेलमध्ये गुंडाळून फ्रीजमध्ये ठेवा.

जर तुम्हाला पुदिना काही दिवस ताजा ठेवायचा असेल तर तो नीट धुवा. पुदिना सुकल्यानंतर पेपर टॉवेल किंवा सुती कापडात गुंडाळा आणि हवाबंद डब्यात ठेवा. असे केल्याने पुदिना ओलावा कमी प्रमाणात सहन करेल, ज्यामुळे पाने लवकर खराब होत नाहीत. पुदिना 5-7 दिवस ताजा राहू शकतो.

2. देठासह पाण्यात ठेवा

पुदिन्या हा बरेच दिवस ताजा ठेवण्यासाठी देठासह एका काचेच्या ग्लासात किंवा वाटीत पाण्यात ठेवा. त्यावर एक पॉलिथिन किंवा झिप बॅगने झाकून फ्रीजमध्ये ठेवा. अशा प्रकारे ठेवल्याने पुदिन्याची मुळे सुकत नाहीत आणि पुदिना 8-10 दिवस हिरवागार आणि फ्रेश राहते.

3. पुदिन्याची चटणी बनवा आणि फ्रिजमध्ये ठेवा

तुमच्याकडे जर जास्त पुदिना असेल तर तो बारीक करून चटणी बनवा आणि बर्फाच्या क्यूब ट्रेमध्ये ही पेस्ट टाकून फ्रीजरमध्ये ठेवा. गरज पडल्यास एक किंवा दोन क्यूब्स काढा आणि वापरा. ​​ही चटणी 1 ते 2 महिनेही खराब होत नाही आणि जेवणात वापरल्यास अगदी ताजी लागते.

4. वाळवा आणि हवाबंद डब्यात ठेवा

पुदिन्याची पाने सावलीत किंवा मायक्रोवेव्हमध्ये सुकवा. त्यानंतर ती कुस्करून हवाबंद डब्यात ठेवा. तर या पानाच्या वापर तुम्ही पुदिन्याच्या पावडरच्या स्वरूपात करू शकता. ही पद्धत वर्षभर फायदेशीर आहे आणि त्यात पुदिन्याची चव आणि सुगंध अबाधित राहतो.

5. ऑलिव्ह ऑइलच्या वापराने फ्रिज करा.

पुदिन्याची काही पाने चिरून घ्या आणि ती एका बर्फाच्या क्यूब ट्रेमध्ये ठेवा, त्यात ऑलिव्ह ऑइल भरा आणि फ्रीज करा. ही पद्धत विशेषतः पिझ्झा, पास्ता किंवा ग्रेव्हीच्या पदार्थांमध्ये उपयुक्त आहे. यामुळे पुदिन्याचा स्वाद आणि सुगंध बराच काळ टिकून राहतो आणि तुम्ही ते कधीही सहजपणे वापरू शकता.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)