Eco Friendly Makhar | घरच्या घरी असं बनवा गणपतीसाठी इको फ्रेंडली मखर, आतापासून अशी करा तयारी

मुंबई : 31 ऑगस्ट 2023 | गणपती बाप्पासाठी इको फ्रेंडली मखर बनवण्याची कल्पना असेल, तर त्यावर आधीपासूनच कामाला सुरुवात करा, नाहीतर नंतर फार कमी वेळ हातात राहिलेला असतो, तेव्हा काहीतरी पटकन करण्याच्या नादाने एक हटके डेकोरेशन आपल्या गणपती बाप्पासाठी करणे राहून जातं.खरंतर तुम्ही सर्वात आधी डोळ्यासमोर आणा की तुम्हाला गणपती बाप्पासाठी कसं मखर किंवा डेकोरेशन हे डोळ्यासमोर येत आहे. आधी तुमच्या कल्पना कागदावर उतरवा, कागदावर उतरवा या शब्दाचा अर्थ नक्कीच लिहून काढणे असा नाहीय. तर साधी सुधी का असेना एक आकृती स्वरुपात ढोबळ मानाने कल्पना कागदावर उतरवा.

इको फ्रेंडली डेकोरेशन करताना तुम्हाला नक्कीच थर्माकॉलचा वापर करायचा नाहीय. थर्माकॉल किंवा इतर अर्नेसर्गिक किंवा प्लास्टिकचा वापर करुन तयार केलेलं मखर शोभून दिसत नाही. एक नीट लक्षात असू द्या, डेकोरेशन करताना त्याला टाकाऊ किंवा न वापरता असलेल्या वस्तूंपासून हे डेकोरेशन तयार केलेले आहे, हे वाटू नये म्हणून शेवटी त्यावर खूप लक्ष केंद्रीत करा, ज्याला आपण फिनिशिंग टच म्हणतो. तुम्हाला हे फिनिशिंग टच रंग पेटीच्या माध्यमातून, पोस्टर कलर्स वापरुन नीट रंगवता येतील. कागद आणि पुठ्ठे यांचा वापर नीट करता यायला हवा, यांना एक रिच लूक देण्यासाठी पोस्टर्स कलर्स वापरा.

तुम्ही आर्टस म्हणजे कला क्षेत्रात पारंगत नसाल, तर या क्षेत्रात किंवा ज्याची चित्रकला चांगली आहे, अशा मित्राची मदत घ्या, तुमच्यासाठी काम सोपं होईल. पुठ्याचं झाड किंवा कागदाची पानं केली, तर ती रंगवण्यासाठी, रंगसंगती किंवा ते झाडं वाटलं पाहिजे, कागद दुमडून झोपडीचे कौलं करता येतील, त्याला तपकीरी रंग कसा आणि कशी शेड देता येईल हे तुम्ही तुमच्या मित्राच्या मदतीने समजून घ्या. बाहेरुन लाईटस कसे देता येतील .या वेळी शॉक किंवा एखादी वस्तू तापून किंवा शॉर्ट सर्किंट होवून आग लागणार नाही, याची देखील पुरेपूर काळजी घ्या. डेकोरेशन करताना कापडाचा वापर करायचा असेल, तर खादी किंवा सुती कापडाच्या प्लेन किंवा काटपदराच्या साड्यांचा वापर करा. तुम्ही कॉटनच्या साडीचा वापर केला तर त्याला आणखी रिचनेस येतो.

गणपतीची मूर्ती केवढी असेल, मूर्ती ठेवल्यानंतर त्याला किती उंची दिली जाईल, कुठे कोणत्या रंगाचा कागद वापरला जाईल, त्याला दुमडून डिझाईन कशी बनवली जाईल, वेगवेगळ्या रंगाचे कागदं वापरुन त्याची शोभा कशी वाढवता येईल. साधारण ३ च्या आत रंगसंगती, म्हणजेच मखर सजवताना ३ पेक्षा जास्त रंग वापरले नाहीत, तर ते छान दिसतं, पण जास्त रंग वापरले तर बटबटीत दिसतं, हे टाळण्यासाठी कमी रंगांची योग्य ती रंगसंगती वापरा, खूप कमी वेळेत, साधी, पण शोभून दिसणारी सजावट तुम्हाला करण्यास मदत होईल. याआधी आपल्याला कोणत कोणत्या वस्तू खरेदी करायच्या आहेत, याची यादी बनवा, कारण डेकोरेशनचं काम सुरु असताना, मध्येच बाजारात जावून वेळ जास्त जातो आणि मखर – डेकोरेशनला जास्त उशीर होतो.