थंडीत यामुळे येतो हृदयविकाराचा झटका, या गोष्टीकडे चुकूनही दुर्लक्ष करु नका
हृदयविकाराचा झटका हा आता फक्त वृद्धांना येतो असो नाही. लहान मुले आणि तरुण वयात देखील याचे प्रमाण वाढत आहे.. या कारणास्तव हृदयाची काळजी घेणे खूप महत्वाचे आहे. हिवाळ्यात हृदयविकाराचा धोका वाढतो. त्यामुळे हिवाळ्यात तो कसा कमी करता येईल. हृदय निरोगी राहण्यासाठी काय करावे जाणून घ्या.
Heart Attack : हृदयविकार आता सामान्य होत चालले आहे. तरुणांमध्ये देखील हृदयविकाराचा झटका येण्याचं प्रमाण वाढत आहे. हृदयविकाराचा झटका का येतो याचे कारण म्हणजे खराब जीवनशैली, आहार आणि चिंता असू शकतात. पण तुम्हाला माहीत आहे का की हवामानाचा देखील तुमच्या हृदयाच्या आरोग्यावर परिणाम होतो. थंडीत हृदयविकाराचा धोका वाढतो. हिवाळ्यात हृदयविकाराच्या झटक्याचे प्रमाण का वाढू शकते आणि आपण ते कसे टाळू शकतो ते जाणून घेऊया.
हिवाळ्यात तणावाची पातळी वाढते, जी हृदयाच्या आरोग्यासाठी अत्यंत हानिकारक असते. या ऋतूमध्ये, सीझनल इफेक्टिव्ह डिसऑर्डरमुळे, आपल्या शरीरातील स्ट्रेस हार्मोन्स वाढतात, ज्यामुळे तणाव निर्माण होतो. थंडीमुळे आपल्या धमन्याही आकसतात. हे शरीराचे तापमान नियंत्रित करण्यासाठी होते, परंतु यामुळे रक्ताभिसरणात अडथळा येतो आणि रक्तदाब वाढल्यामुळे हृदयविकाराचा झटका किंवा स्ट्रोकचा धोका वाढतो.
रक्तवाहिन्या अरुंद झाल्यामुळे रक्त गोठण्याचा धोका देखील वाढतो. त्यामुळे हृदयविकाराचा धोकाही वाढतो. हिवाळ्यात शरीरातील उष्णता कमी झाल्यामुळे हायपोथर्मिया होऊ शकतो, ज्यामुळे हृदयविकाराचा झटकाही येऊ शकतो. पण काही खबरदारी लक्षात ठेवल्यास हृदयविकाराचा धोका कमी करता येतो.
हृदयविकाराने ग्रस्त असलेल्यांनी औषधाचा एकही डोस चुकवू नये. तुम्ही वेळेवर औषधे घेतली नाहीत, तर तुमच्या हृदयावर थंडीचा लवकर परिणाम होऊ शकतो. तसेच, वेळोवेळी डॉक्टरांकडून स्वतःची तपासणी करून घ्या, जेणेकरून कोणतीही समस्या उद्भवल्यास ती टाळता येईल.
व्यायाम करणे हृदयाच्या आरोग्यासाठी फायदेशीर असते. परंतु हिवाळ्याच्या काळात आपण आळसपणामुळे व्यायाम करणे टाळतो. एकाच जागी बसून राहतो. हे तुमच्या हृदयासाठी हानिकारक असू शकते. त्यामुळे रोज 20-30 मिनिटे व्यायाम करा. व्यायामामुळे मूड देखील सुधारतो, ज्यामुळे तणावाची पातळी कमी होते. मात्र, शरीरावर जास्त ताण देऊ नका आणि बाहेर जाऊन व्यायाम करू नका.
हिवाळ्याच्या मोसमात, आपण घाम गाळण्यासाठी अधिक व्यायाम करतो, ज्यामुळे आपल्या हृदयावर अचानक जास्त ताण येतो. हे करणे टाळा. याशिवाय सकाळी जेव्हा तापमान कमी असते तेव्हा हृदयविकाराचा झटका येण्याचा धोका वाढतो. त्यामुळे बाहेर जाणे आणि व्यायाम करणे टाळावे. तसेच तुमच्या हृदयाला प्रदूषणापासून वाचवण्यास मदत होईल.
हिवाळ्यात स्वतःला उबदार ठेवण्यासाठी लोकरीचे कपडे घाला जेणेकरून तुमच्या शरीरातील उष्णता बाहेर जाणार नाही. टोपी, हातमोजे, मोजे, जाकीट इत्यादींचा वापर करा आणि थंडीपासून स्वतःचे संरक्षण करा.
