योगा केल्यानंतर कसा असावा डाएट? जाणून घ्या सविस्तर माहिती…

शरीराची रोगप्रतिकारशक्ती (Immunity) वाढविण्यासाठी तज्ज्ञांकडून आपणास नियमित व्यायामाचा (Exercise) सल्ला देण्यात येत असतो. त्यातच योगा केल्याने शरीर व मन दोन्हीही तंदुरुस्त राहण्यास मदत होत असते. धावपळीच्या युगात शरीराची उर्जा टिकवून ठेवणे महत्वाचे असते. नियमित पुरेशी झोप, सकस आहार आणि व्यायाम हे निरोगी आरोग्याचे सूत्र आहे. नियमित योगा तसेच इतर व्यायाम केल्याने शरीर अनेक आजारांपासून दूर राहून आयुर्मानदेखील वाढत असते. विविध योगासने करीत असताना एक नेहमीचा प्रश्‍न निर्माण होत असतो. योगा करण्याच्या आधी व नंतर नेमका आहार कसा असावा, योगा (yoga) करतेवेळी पोट रिकामे असावे की काही तरी खाल्लेले असावे? या लेखात तुम्हाला सर्व प्रश्‍नांची सविस्तर उत्तरे मिळण्यास मदत होणार आहे.

1) हलका नाश्‍ता करावा

आपण साधारणत: सकाळी योगासने करीत असतो. अशा वेळी साधारणत: अडीच तास आधी नाश्ता करणे कधीही योग्य असते. सकाळचा नाश्ता हलका असावा. नाश्‍तामध्ये पोहे किंवा ओट्स, उपमा, इडली आदींचा वापर करु शकतो.

2) हायड्रेड रहा

कुठलाही व्यायाम करताना घाम निघत असतो. अशा वेळी शरीराला पाण्याची कमतरता जाणवते. अशा वेळी आपण व्यायाम किंवा योगा करताना शरीर नेहमी हायड्रेटेड ठेवणे आवश्यक आहे. व्यायामादरम्यान घाम आल्याने डिहायड्रेशनची समस्या निर्माण होण्याची शक्यता असते.

3) फायबरयुक्त फळे खा

व्यायाम करण्याआधी पचायला जड असलेले अन्न खाणे टाळावे, आहारात सफरचंद, केळी सारख्या जास्त फायबर असलेल्या फळांचा समावेश केल्यास पचनक्रिया वाढते. केळी खाल्ल्याने शरीरात ऊर्जाही राहते. योग करताना जडपणा जाणवण्याची समस्या असल्यास दोन तास आधी काहीही खाउ नये.

4) नंतर काय खावे

योगासने केल्यानंतर आपल्या आहारात दूध आणि तृणधान्यांचा समावेश करु शकतात. व्यायाम केल्याने शरीर काही प्रमाणात दमलेले असते. त्यामुळे शरीरात उर्जा निर्माण करण्यासाठी पालेभाज़्या, फळे तसेच अंडी आपल्या आहारात समाविष्ठ करु शकतात.

संबंधित बातम्या : 

रोगप्रतिकारक शक्ती वाढवाचीये? मग ‘या’ पदार्थांचे आवश्य सेवन करा

मुलांना हेल्दी, गुबगुबीत आणि उंच बनवायचं असेल तर मुलांना ब्रोकोली राइस द्यायलाच हवा!