Amla Benefits | रोग प्रतिकारशक्त आणि हाडे मजबूत करण्यासाठी लाभदायी ‘आवळा’, अशाप्रकारे करा सेवन!

आवळा आपल्या आरोग्यासह आपल्या त्वचेसाठीही फायदेशीर आहे. यात व्हिटामिन बी 5, व्हिटामिन बी 6, पोटॅशियम आणि मॅग्नेशियम समृद्ध प्रमाणात आढळते.

  • टीव्ही 9 मराठी डिजीटल टीम
  • Published On - 16:45 PM, 1 Mar 2021
Amla Benefits | रोग प्रतिकारशक्त आणि हाडे मजबूत करण्यासाठी लाभदायी ‘आवळा’, अशाप्रकारे करा सेवन!
आवळा

मुंबई : आवळा आपल्या आरोग्यासह आपल्या त्वचेसाठीही फायदेशीर आहे. यात व्हिटामिन बी 5, व्हिटामिन बी 6, पोटॅशियम आणि मॅग्नेशियम समृद्ध प्रमाणात आढळते. आवळ्यामध्ये भरपूर प्रमाणात अँटी ऑक्सिडेंट असतात, ज्यामुळे रोग प्रतिकारशक्ती वाढण्यास मदत होते (Health benefits of amla aka gooseberry).

आवळा हे असे सुपर फूड आहे, जे अनेक रोगांपासून बचाव करण्यासाठी वापरले जाऊ शकते. यामुळे तुमची पचनशक्ती देखील बळकट होईल. तुम्ही आवळा कच्चा, पावडर, लोणचे आणि रस या स्वरूपात खाऊ शकता, जे तुमच्या आरोग्यासाठी देखील खूप फायदेशीर आहे. हिवाळ्यात येणारे हे हंगामी फळ आहे, याचे सेवन करून आपण हंगामी संक्रमणापासून दूर राहू शकता.

आवळा पावडर

रोज सकाळी ग्लास पाण्यात आवळा पावडर आणि मध प्या. रिकाम्या पोटी हे सेवन केल्याने तुमची पाचन क्रिया मजबूत राहील.

आवळा रस

सकाळी, 20 ग्रॅम आवळ्याचा रस कोमट पाण्यात मिसळून प्यायल्याने डोळ्यांची दृष्टी वाढते.

आवळ्याचा मोरंबा आणि लोणचे

आपण इच्छित असल्यास, आपण घरी आवळा लोणचे किंवा मोरंबा बनवू शकता. त्यात पुष्कळ पोषक घटक असतात.

आवळा कँडी

आपण दिवसातून 3 ते 4 वेळा फर्मेन्टेड आवळ्याचा वापर करू शकता. रोज त्याचे सेवन केल्याने तोंडातून दुर्गंधी येत नाही, तसेच दिवसभर फ्रेशनेस देखील जाणवतो.

सुके आवळे

आवळे कापून उन्हात वाळवा. पूर्णपणे कोरडे झाल्यानंतर, एका बॉक्समध्ये ठेवा आणि दररोज त्याचे सेवन करा (Health benefits of amla aka gooseberry).

आवळ्याचे फायदे

चमकणारी आणि निरोगी त्वचा

रोज आवळा खाल्ल्याने आपला चेहरा नैसर्गिकरित्या चमकतो. त्यामध्ये उपस्थित अँटीऑक्सिडेंट त्वचेच्या वृद्धत्वाची समस्या कमी करतात. रस पिण्यामुळे सुरकुत्या आणि फाईन लाईन कमी होतात. हे शरीराला डिटॉक्स करण्याचे कार्य देखील करते.

हाडे मजबूत बनवते

ज्या लोकांची हाडे कमकुवत आहेत, त्यांनी आवळा रस सेवन केला पाहिजे. हा रस आपली हाडे मजबूत करण्यासाठी कार्य करते.

आवळा रस रोग प्रतिकारशक्ती वाढवतो

आवळा जीवनसत्व सी समृद्ध आहे, जे हंगामी संक्रमणामुळे उद्भवणाऱ्या रोगांना दूर ठेवते. याशिवाय हे पोटदुखी, थंडी व सर्दी टाळण्यास मदत करते.

आवळ्याचा आरोग्यदायी चहा

हिवाळ्याच्या दिवसांत गरम चहा प्यावा असे सर्वांनाच वाटत असते. अशावेळी चहात आवळ्याचा वापर करुन पाहा. एक आवळा, आले आणि दालचिनी टाकून हा चहा बनवू शकता. या सर्व गोष्टी आपल्या शरीराला आतून उबदार ठेवतील. यासाठी चहा बनवण्याच्या भांड्यात अर्धा चमचा किसलेले आले, अर्धा तुकडा दालचिनी, 1 चिरलेला आवळा आणि थोडासे पाणी घालून साधारण 10 मिनिटे उकळवा. या चहात चवीनुसार किंवा अर्धा चमचा गूळ घालू शकता.

(टीप : सेवानापूर्वी डॉक्टरांचा सल्ला अवश्य घ्यावा.)

(Health benefits of amla aka gooseberry)

हेही वाचा :

Weight Loss | Intermittent Fasting दरम्यान ‘ब्लॅक कॉफी’ पिणे ठरेल फायदेशीर! जाणून घ्या कसे…