घरीच बनवा कैरीचे पन्हे!

Kairiche panhe

Image Credit source: Social Media

कडक उन्हात कोल्ड ड्रिंक घ्यायला मजा येते. यामुळे शरीराला झटपट ताजेतवाने आणि ऊर्जावान वाटते. साधारणपणे उन्हाळ्यात लोक लिंबूपाणी, जलजिरा, स्मूदी किंवा शेकचे भरपूर सेवन करतात. पण तुम्ही कधी कैरीचे पन्हे बनवून प्यायले आहात का? नसेल तर आज आम्ही तुमच्यासाठी कैरीचे पन्हे बनवण्याची रेसिपी घेऊन आलो आहोत. कैरीच्या साहाय्याने आंब्याचे पन्हे तयार केले जाते. याचे सेवन केल्याने तुमची पचनसंस्था निरोगी राहते. हे प्यायल्याने तुम्हाला लगेच ताजेतवाने आणि ऊर्जेने भरलेले वाटते. यासोबतच तुम्हाला डिहायड्रेशनचा त्रास देखील होत नाही. चला जाणून घेऊया कैरीचे पन्हे कसे बनवायचे.

कैरीचे पन्हे बनवण्यासाठी लागणारे साहित्य

• ४ कैरी
• २ टीस्पून जिरे पावडर (भाजलेले)
• ६ टेबलस्पून गूळ/साखर (चवीनुसार)
• १ टेबलस्पून पुदिन्याची पाने
• ३ टीस्पून काळे मीठ
• १ चिमूट काळी मिरी पावडर
• ४-५ बर्फाचे तुकडे
• मीठ चवीनुसार

कैरीचे पन्हे कसे बनवणार?

• कैरीचे पन्हे बनवण्यासाठी तुम्ही सर्वप्रथम कैरी घ्या.
• नंतर ते चांगले धुवून स्वच्छ करा.
• यानंतर प्रेशर कुकरमध्ये कैरी ठेवावी.
• मग गरजेनुसार पाणी घाला.
• ४ शिट्ट्या करून गॅस बंद करा.
• मग तुम्ही कुकरमधून कैरी काढून एका भांड्यात टाकून थंड होऊ द्या.
• यानंतर उकडलेल्या कैऱ्या सोलून घ्याव्या.
• मग कैरीचा शिजलेला लगदा कढईत काढून टाका.
• यासोबतच आपण गुठळ्यांमधून लगदा काढून चांगले मॅश देखील करू शकता.
• नंतर या लगद्यात १/४ कप पाणी घालून मिक्स करा.
• यानंतर तुम्ही ते चांगले मॅश करा.
• मग त्यात भाजलेले जिरे पूड, काळी मिरी पावडर आणि गूळ किंवा साखर घाला.
• यासोबतच काळे मीठ आणि चवीनुसार मीठ घालून चांगले मिक्स करावे.
• मग हे मिश्रण ब्लेंडरमध्ये टाकून गरजेनुसार पाणी घालावे.
• यानंतर तुम्ही ते चांगले मिक्स करून एका भांड्यात काढा.
• मग त्यात ३-४ बर्फाचे तुकडे घाला आणि पन्ह थंड होऊ द्या.
• आता तुमचं कैरीचं पन्ह तयार आहे.

(डिस्क्लेमर: दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा दिलेला नाही.)