अचानक आलेल्या पाहूण्यांसाठी ब्रेड व दह्यापासून 10 मिनिटात बनवा ‘ही’ सोपी डिश, जाणून घ्या रेसिपी
दही आणि ब्रेडची ही रेसिपी जितकी चविष्ट आहे तितकीच झटपट बनते. तुम्ही ते तुमच्या मुलांच्या जेवणाच्या डब्यात घालू शकता किंवा चहासोबत संध्याकाळच्या नाश्त्या म्हणून त्याचा आनंद घेऊ शकता.
तुमच्या घरी अचानक पाहुणे आलेत किंवा सकाळी उठायला उशीर झाल्यावर मुलांच्या डब्यात काय बनवून द्याचं हा प्रश्न पडत असेल तर अगदी 10 मिनिटात ब्रेड आणि दही पासून हा पदार्थ बनवू शकता. चला आजच्या लेखात आपण ही गोड आणि आंबट ब्रेड आणि दही रेसिपी 10मिनिटात कशी बनवून होईल ते जाणून घेऊयात.
आवश्यक साहित्य
5 ब्रेड स्लाईस
1 कप दही
1 टीस्पून लाल तिखट
¼ टीस्पून हळद पावडर
चवीनुसार मीठ
मसालेदार चिंचेची चटणी
एक चिमूटभर हिंग
½ टीस्पून किसलेले आले
बारीक चिरलेला कांदा
सजावटीसाठी बारीक चिरलेली कोथिंबीर
2 टेबलस्पून तेल
बनवण्याची पद्धत:
एका भांड्यात दही आणि सर्व मसाले एकत्र करा आणि चांगले फेटून घ्या. दह्यातील घट्टपणा कमी करण्यासाठी तुम्ही थोडे पाणी देखील मिक्स करू शकता.
आता ब्रेडचे लहान-लहान तुकडे करा, ते दह्याच्या मिश्रणात बुडवा आणि एका प्लेटमध्ये बाजूला ठेवा.
एका मोठ्या नॉन-स्टिक पॅनमध्ये थोडे तेल टाका, तेल गरम झाल्यावर त्यात हिंग आणि बारीक किसलेले आले टाका आणि काही सेकंद परतवा.
आता या पॅनमध्ये बारीक चिरलेला कांदा टाका आणि ते हलके सोनेरी होईपर्यंत परतावा.
एका डिशमध्ये ठेवलेले ब्रेडचे मिश्रण पॅनमध्ये टाका आणि मंद आचेवर 1-2 मिनिटे हलके सोनेरी तपकिरी होईपर्यंत तळा. अधूनमधून मिश्रण परतवत राहा.
काही वेळात ब्रेडची ही डिश तयार होईल. एका प्लेटमध्ये कोथिंबीरने ही डिश सजवा मसालेदार चटणी सोबत खाण्याचा आस्वाद घ्या.
कुकिंग टिप्स
मसालेदार दहीवाला ब्रेड बनवण्यासाठी तुम्ही पांढऱ्या किंवा होल ग्रेन ब्रेडचा वापर करू शकता.
दही जास्त आंबट किंवा आदल्या दिवशीचे नसावे.
तुम्ही तुमच्या आवडीनुसार मसाले कमी व जास्त करू शकता.
कांद्यासोबत तुम्ही तुमच्या आवडीची कोणतीही भाजी वापरू शकता.
ही रेसिपी गरमागरम वाढल्यावर खाण्यास सर्वात चांगली लागते, म्हणून तयार होताच वाढा.
चाटसारखी चव देण्यासाठी तुम्ही शेव किंवा चाट मसाला चटणी आणि कोथिंबीर मिक्स करून ही डिश सर्व्ह करा.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
————————————————————————————
————————————————————————————
————————————————————————————
