पुरुषांनी घरातील भांडी घासण्याचे आहेत आश्चर्यकारक फायदे, संशोधनातून महत्त्वाची माहिती समोर

भारतीय कुटुंब पद्धतीमध्ये अनेकदा घरातील कामं या महिलाच करताना दिसतात. जर एखाद्या कुटुंबात फक्त पुरुषच नोकरी करत असेल तर त्या घरातील महिला ही घरातील सर्व कामे करते. दुसरीकेड जर एखाद्या कुटुंबात पती-पत्नी दोघेही नोकरी करत असतील तरी देखील त्या घरात नोकरीवरून आल्यानंतर पत्नी हीच घरातील सर्व कामे करताना दिसते. तसेच मुलांना सांभाळण्याची मोठी जबाबदारी देखील तिच्याकडे असते. मात्र हळूहळू हे चित्र आता बदलत आहेत. अनेक पुरुष देखील आपल्या पत्नीला घरकामात मदत करताना दिसून येत आहेत. मात्र अजूनही हे प्रमाण खूप कमी आहे.

भारतीय कुटुंब व्यवस्थेमध्ये पूर्वीपासूनच घरातील सर्व कामे या महिला करत आल्या आहेत. त्यामुळे आजही अनेक कुटुंबात आपल्याला हेच चित्र पाहायला मिळतं. घरातील महिला याच स्वंयपाक बनवतात, धुणे धुतात, भांडी देखील घासतात. मग भलेही ती देखील पतीच्या बरोबरीने नोकरी करून घराचा आर्थिक भार सांभाळत असेल. मात्र आता काही ठिकाणी पुरुष देखील आपल्या पत्नीला मदत करताना दिसतात. घरातील कामे दोघांनी मिळून केल्याचे अनेक फायदे आहेत. मात्र आज आपण घरातील भांडी जर पुरुषांनी घासली तर त्याचे काय फायदे आहेत, हे जाणून घेणार आहोत. नुकतंच एका संशोधनातून ही माहिती समोर आली आहे.

पुरुषांनी भांडी घासण्याचे फायदे?   

याबाबत फ्लोरिडा स्टेट युनिव्हर्सिटीच्या संशोधकांकडून संशोधन करण्यात आलं आहे.  या संशोधनानुसार घरातील भांडी जर पुरुषांनी घासली तर त्याचा फायदा त्यांचा ताण-तणाव दूर होण्यासाठी होतो. या संशोधनातून असं समोर आलं  की, जेव्हा एखादा पुरुष भांडी घासण्यासाठी हातात घेतो तेव्हा तो त्या प्रक्रियेमध्ये गुंतून जातो, आणि त्यामुळे त्याच्यामागे जो ऑफिसचा किंवा इतर कोणत्याही गोष्टीचा तणाव असेल तो विसरण्यास मदत होते. एवढंच नाही तर त्यामुळे सकारात्मक विचार देखील वाढीस लागतात. एकूण 51 लोकांवर हा प्रयोग करण्यात आला होता. भांडे घासल्यामुळे त्यांच्यावरील तणावर कमी झाल्याचं या संशोधणातून समोर आलं आहे.