Kitchen Tips : कुकरचा रबर सैल झालाय? झाकणातून वाफ बाहेर येतेय ? हे घरगुती उपाय करून पाहा

प्रेशर कुकर हा रोजच्या स्वयंपाकातला महत्त्वाचा भाग आहे. पण सतत वापरामुळे त्याचा रबर म्हणजेत गॅस्केट सैल होऊ शकतो. रबर नीट फिट न झाल्यास कुकरचं झाकण बंद होण्यात अडचण होते. वाफ बाहेर जाते. त्यामुळे धड भात शिजतही नाही आणि गॅसही फुकट जातो. अशावेळी काही सोप्या घरगुती उपाय करुन पाहता येतात. मात्र रबर खूपचं जुना झाला असेल किंवा तुटला असेल तर ते बदलणं गरजेचं आहे.

रबर काढून स्वच्छ धुवा

कधी कधी रबर खराब झालेला नसतो,पण त्याच्यात अन्नाचे कण जाऊन अडकतात किंवा काही घाण साचल्यामुळे ती व्यवस्थित बसत नाही. अशावेळी रबर काढून तो स्वच्छ पाण्याने धुवा. तो रबर पुर्णपणे कोरडा झाल्यानंतरच कुकरला फिट बसवा. जोर काढून बसवण्याचा प्रयत्न करू नका.

रबर गरम असेल तर थंड होऊ द्या

कुकरचा सतत वापर केल्यामुळे रबर गरम होऊ शकतो आणि सैल सुद्धा वाटू शकतो. अशावेळी कुकर बंद करून रबर काही वेळ सामान्य तापमानाला येऊ द्या. त्यानंतर तो काढून स्वच्छ करून कोरडा करा. पुन्हा कुकरवर बसवा.

झाकण लावण्याआधी कडा तपासा

कुकर बंद करण्यापूर्वी झाकणाची कडा, रबर आणि कुकरचे हँन्डल स्वच्छ आहे का ते पाहा. भात,डाळ किंवा इतर पदार्थांचे छोटे कण अडकले असतील तर ते काढून टाका.

कुकरमध्ये जास्त डब्बे लावू नका

कुकर वापरताना त्यात मर्यादेपेक्षा जास्त पाणी किंवा अन्न भरू नका. मर्यादेपेक्षा जास्त भरल्यामुळे तो फुटण्याची शक्यता असते. तसेच झाकण, सीटी आणि व्हॉल्वचीही वेळोवेळी तपासणी करा.

रबर धुतल्यानंतर पूर्ण कोरडा करा

प्रत्येक वापरानंतर रबर स्वच्छ धुवून पुर्णपणे कोरडा करून ठेवा. जास्त उष्णतेमुळे रबर लवकर खराब होण्याची शक्यता असते.

रबर पाण्यात टाकण्याचा उपाय

रबर सैल झाला असेल तर रात्रभर रबर पाण्यात भिजत ठेवावा. सकाळीपर्यंत रबर चांगला कडक होतो.

रबर तुटलेला असेल तर जुगाड करू नका

रबरमध्ये भेगा पडल्या असतीस ती खूप कडक किंवा सैल झाला असेल. तर तो बदलणेच योग्य आहे.कुकरच्या मॉडेलनुसार योग्य आकाराचा नवा रबर वापरा. खराब रबरवर घरगुती जुगाड करणं सुरक्षित नाही यामुळे काही वेळेस कुकर फुटण्याची शक्यता असते.