थंडीत बाईक चालवताय? बाबा रे… या गोष्टी माहीत आहे काय?

बाईक चालवायला आवडत नाही असा एकही तरुण सापडणार नाही. एखादा अपवाद असू शकतो. पण बहुतेक तरुण हे बाईक चालवण्याचे शौकिन असतात. हिवाळ्यात तर मस्त गार वारा अंगावर झेलत धुंद वातावरणात बेधुंद होऊन ही मुलं बाईक चालवत असतात. आपण कितीच्या स्पीडने चाललोय, याचं भानही त्यांना राहत नाही आणि नेमकी तिथेच चूक होते. थंडीच्या दिवसात खरं तर बाईक चालवणं जितकं सोपं असतं तितकंच ते जीवावर बेतणारं असतं. त्यामुळे थंडीच्या दिवसात बाईक चालवताना जपून चालवली पाहिजे.

डिसेंबर महिन्यात थंडी वाढू लागते. नोव्हेंबरपासून हळूहळू थंड वाऱ्याची तीव्रता वाढते. कधी कधी जानेवारीपर्यंत ही थंडी असते. अशा परिस्थितीत बाईक चालकांना अनेक समस्या येतात. रात्री किंवा सकाळी बाईक चालवणे अधिक कष्टदायक होते. म्हणून हिवाळ्यात बाईक चालवताना कोणत्या गोष्टी लक्षात ठेवाव्यात हे जाणून घेऊया.

जॅकेट हवंच

तुम्ही दररोज बाईक चालवत असाल, तर हिवाळ्यात जाड गारम कपडे घालणे अत्यंत आवश्यक आहे. त्यासोबतच, या मोसमात तुमच्या कपाटात थंडीपासून बचाव करणारं जॅकेटही हवं. यामुळे तुमचे शरीर थंड वाऱ्यापासून सुरक्षित राहील.

ड्रेस

हिवाळ्यात वाऱ्यापासून बचाव करण्यासाठी फक्त जॅकेट घालणेच पुरेसे नाही, तर हात, पाय आणि डोके थंड होण्यापासून वाचवण्यासाठी बूट, ग्लोव्हज आणि मोजे घालणे आवश्यक आहे. एकाच वेळी, केवळ हेल्मेटच नाही तर कान लपवण्यासाठी टोपीही असणे आवश्यक आहे. त्याचप्रमाणे, मास्क लावणंही महत्त्वाचं आहे. कारण जेव्हा नाकावाटे थंड वारा शरीरात प्रवेश करतो, तेव्हा तुम्ही आजारी पडू शकता.

डोळ्यांची काळजी

हिवाळ्यात शुष्क वाऱ्यामुळे डोळ्यांचे कोरडेपण वाढते आणि बाईक चालवताना डोळ्यांवर वारा झपाट्याने येतो. म्हणून, चांगल्या चष्म्याचा वापर करा. वाऱ्यापासून संरक्षण करण्यासोबतच धुंद वातावरणात डोळ्यांना सुरक्षित ठेवता येईल असा चष्मा वापरा.

सतर्क राहा

हिवाळ्यात बाईक चालवताना शरीर गरम कपड्यांनी झाकून ठेवा. पण धुंद वातावरणात रस्ता दिसणे कमी होऊ शकते. यामुळे बाईक चालवणे हे एक मोठे आव्हान ठरते. यासाठी, तुमच्या बाईकमध्ये अँटी-फॉग लाइट्स बसवू शकता. याशिवाय, वेगावर विशेष लक्ष द्या, कारण धुंद वातावरणामुळे दृश्यता कमी होते आणि त्यामुळे अपघात होण्याची शक्यता वाढते. म्हणून कमी वेगाने बाईक चालवणे आवश्यक आहे.