झोपताना केस बांधले पाहिजे का? केस बांधून झोपल्यास वाढ खुंटते का?; प्रश्न अनेक, उत्तर एक
रात्री झोपताना केस बांधणे किंवा मोकळे ठेवणे याविषयी अनेक शंका असतात. घट्ट बांधलेले केस तुटण्यास कारणीभूत ठरू शकतात, तर मोकळे केस चेहऱ्यावर घाण आणू शकतात. सॅटिनचा वापर करणे आणि केस सैल बांधणे हे उत्तम पर्याय आहे. ओले केस कधीही बांधू नयेत, कारण त्यामुळे फंगल इन्फेक्शन होण्याचा धोका असतो. केसांचे आरोग्य राखण्यासाठी योग्य काळजी आवश्यक आहे.
लांब आणि मजबूत केस कुणाला नको असतात? लांब केस नकोय असं म्हणणारी एकही महिला शोधून सापडणार नाही. लांब केसांमुळे सौंदर्यात भर पडते. त्यामुळेच स्त्रिया केसांची प्रचंड काळजी घेताना दिसतात. केसांची निगा राखण्यासाठी नैसर्गिक साधनांचा वापर करतात. पण महिलांना एक प्रश्न नेहमी सतावतो. तो म्हणजे, रात्री झोपताना केस मोकळे सोडून झोपावे? की केस बांधून झोपावे? केस बांधून झोपल्याने केसांची वाढ खुंटते का? अशा अनेक प्रश्नांनी महिलांच्या मनात घर केलेले असते.
रात्री झोपताना केस बांधून ठेवावे, असं पूर्वीच्या काळी सांगितलं जायचं. त्यामुळे रात्री केस मोकळे राहू नये म्हणून वेगवेगळ्या पद्धतीने केस बांधले जातात. काही लोक केस वरच्या भागात बांधतात, काही लोक पिंटू किंवा बान घालतात. तथापि, या साऱ्या पद्धतीमध्ये शास्त्र काय सांगतं? आणि जास्त महत्त्वाचं म्हणजे, केसांची वाढ आणि आरोग्य यामध्ये बांधलेले किंवा उलटे ठेवलेले केसांचा कसा संबंध आहे?
केस बांधणे किंवा उलटे ठेवण्याचा परिणाम होतो का?
रात्री केस बांधल्यावर केसांच्या वाढीवर कोणताही थेट परिणाम होत नाही. परंतु, याचे आरोग्यावर परिणाम होऊ शकतात, असं शास्त्र सांगतं. रात्री जर केस उलटे ठेवून झोपल्यास केस तुटण्याची शक्यता वाढवू शकतात. यामुळे केसांच्या आरोग्यावरही नकारात्मक परिणाम होतो.
केसांची आरोग्यावर परिणाम?
सामान्यतः, आपण जेव्हा खूप वेळा कॉटन सामग्री वापरतो, तेव्हा ती हानीकारक ठरू शकते. म्हणून, केसांचे तुटणे कमी करण्यासाठी सॅटिनचा वापर करणे चांगले. हे आपल्याला केसांच्या तुटण्यापासून वाचवू शकते. तसंच, ओले केस कधीच बांधून ठेवू नयेत. ओले केस बांधून ठेवल्याने जंतूंचा संपर्क होऊ शकतो आणि त्यामुळे फंगल इन्फेक्शन होण्याची शक्यता वाढते. ओले केस बांधल्याने केसांच्या मुळांना हानी होऊ शकते, ज्यामुळे केस गळू लागतात.
केस बांधून झोपायचे…
रात्री झोपताना घट्ट केस बांधू नका.ते थोडे सैल ठेवा. केस गळती टाळण्यासाठी झोपताना केस आरामदायक स्थितीत राहतील याची काळजी घ्या. आणि सिल्क किंवा सॅटिनच्या तवळणीचा वापर करा. रात्री केस उलटे बांधून झोपलो, तर त्यात असलेली माती आणि घाण त्वचेवर येऊन डाग किंवा मुरुमं होण्याची शक्यता वाढवू शकते. त्यामुळे, आपला चेहरा स्वच्छ ठेवण्यासाठी तसेच केस गळती थांबम्यासाठी केस नीट बांधून ठेवणं आवश्यक आहे. त्यामुळे, केस बांधून झोपणे हे आपल्या केसांच्या आरोग्यासाठी चांगले आहे, आणि त्यामुळं आपल्या चेहऱ्याचा देखील ताजेपणा टिकवता येतो.
