उन्हाळ्यात ‘या’ 5 गोष्टी बॅगेत ठेवाव्यात, दिवसभर चेहऱ्यावर राहील ताजी चमक
उन्हाळ्याच्या दिवसात स्वतःला ताजेतवाने ठेवणे खूप कठीण काम वाटते आणि विशेषतः जेव्हा तुम्ही ऑफिसला पोहोचता तेव्हा परिस्थिती आणखी बिकट होते. खास करून मुली उन्हाळ्यात देखील त्यांच्या त्वचेची खूप काळजी घेतात. अशावेळेस तुम्ही तुमच्या बॅगेत या गोष्टी नक्कीच ठेवाव्यात.
उन्हाळा सुरू झाला की आपण प्रत्येकाने त्वचेपासून ते आरोग्यापर्यंत स्वतःची काळजी घेतली पाहिजे, परंतु मुलींना त्यांच्या त्वचेची विशेष काळजी असते. उन्हाळ्यात त्वचेच्या समस्या खूप वाढतात, परंतु असे काही लोकं जे दररोज कामानिमित्त घराबाहेर पडतात त्यांच्यासाठी ही समस्या आणखी गंभीर होते. जर उन्हाळ्याच्या दिवसात तुमच्या चेहऱ्यावरील चमक कमी झाली आणि चेहरा खूप निस्तेज दिसू लागला, तर चमक ताजी करण्यासाठी काही गोष्टी खूप उपयुक्त आहेत. जर तुम्हीही दररोज ऑफिसला जात असाल आणि कामाच्या ठिकाणी पोहोचेपर्यंत तुमचा चेहरा उन्हामुळे, धूळ आणि घामामुळे खूप चिकट झाला असेल आणि फ्रेशनेसपणा शिल्लक राहिला नसेल, तर या लेखात अशा काही टिप्स सांगितलेल्या आहेत. ज्या तुम्ही तुमच्या ऑफिसच्या बॅगेत ठेऊ शकतात. चला तर मग जाणून घेऊयात अशा कोणत्या गोष्टी आहेत ज्या तुम्ही तुमच्या बॅगेत ठेऊन त्वचेची चमक फ्रेश ठेऊ शकता…
उन्हाळ्यात, चेहऱ्याचा मेकअप खूप लवकर खराब होतो आणि तीव्र सूर्यप्रकाश यामुळे चेहऱ्याची स्थिती आणखी बिकट होते आणि त्वचेलाही नुकसान पोहोचवते. तुम्ही दिवसभर ऑफिसमध्ये काम करत असलात किंवा बाहेर काम करत असलात तरी. उन्हाळ्यात काही ब्युटी प्रॉडक्ट तुमच्या बॅगेत नक्की ठेवा.
फेस वाइप्स सोबत ठेवा.
उन्हाळ्याच्या दिवसात नेहमी तुमच्या बॅगेत फेसवाइप्स ठेवा. चेहऱ्यावरील घाम आणि धूळ साफ करण्यासाठी हे तुमच्यासाठी खूप उपयुक्त आहे. जर तुम्हाला चेहरा धुण्यासाठी वेळ नसेल, तर फेसवाइप्स मुळे तुमच्या चेहऱ्यावर साचलेली घाण साफ होईल आणि घामामुळे चिकट झालेला चेहरा पुन्हा स्वच्छ होईल.
सनस्क्रीन लोशन किंवा क्रीम
घराबाहेर पडताना चेहऱ्यावर सनस्क्रीन क्रीम किंवा लोशन अवश्य लावा, पण ते तुमच्या बॅगेतही ठेवा. सूर्याच्या अतिनील किरणांपासून त्वचेचे संरक्षण करण्यासाठी एक ते दोन तासांनी सनस्क्रीन लोशन किंवा क्रीम पुन्हा लावणे आवश्यक आहे.
फेस मिस्ट किंवा गुलाबपाणी स्प्रे
उन्हाळ्यात चेहरा निस्तेज होतो आणि चमकही नाहीशी होते. त्वचेवरील चमक टिकवून ठेवण्यासाठी, तुमच्या बॅगेत फेस मिस्ट किंवा गुलाबपाणी स्प्रे ठेवा. याच्या मदतीने तुम्ही गरज पडेल तेव्हा तुमची त्वचा फ्रेश ठेवू शकता.
सन प्रोटेक्ट लिप बाम
सनस्क्रीन लोशनसोबतच, तुम्ही तुमच्या बॅगेत सन प्रोटेक्ट लिप बाम देखील ठेवावा. हे लिप पिगमेंटेशनपासून बचाव होतो. सूर्यप्रकाशामुळे ओठ काळे पडू लागतात, म्हणून सन प्रोटेक्ट लिप बाम लावत राहावे. यामुळे तुम्हाला त्वरित एक फ्रेश लूक मिळेल.
स्टोल आणि टोपी
उन्हाळ्याच्या दिवसात, तुम्ही तुमच्या बॅगेत टोपी आणि स्टोल ठेवावे. यामुळे बाहेर जाताना तुमचा चेहरा आणि हात उन्हापासून हानी कारक किरणांपासून संरक्षण होईल. गरज पडल्यास, स्टोलचा वापर इतर अनेक कारणांसाठी देखील करता येईल.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
