Vijaya Ekadashi 2025: विजया एकादशीच्या दिवशी तुळशीचा ‘हा’ उपाय केल्यास आर्थिक चणचण होईल दूर…
Tulsi Poojan on Ekadshi: एकादशीचे व्रत महिन्यातून दोनदा येते. एकादशीच्या दिवशी भगवान विष्णूंची पूजा केली जाते. या दिवशी भगवान विष्णूंची पूजा करून त्यांना नैवेद्य अर्पण केला जातो. एकादशीच्या दिवशी भगवान विष्णूंना नैवेद्य अर्पण करताना तुळशीचे पान ठेवले जाते. परंतु एकादशीच्या दिवशी तुळशीला इतके महत्त्व का दिले जाते चला जाणून घेऊया
हिंदू धर्मामध्ये एकादशीला विशेष महत्त्व दिले जाते. फाल्गुन महिन्याच्या कृष्ण पक्षात येणाऱ्या एकादशीला विजया एकादशी म्हणून ओळखले जाते. मान्यतेनुसार या दिवशी विष्णूची पूजा केल्यामुळे आणि उपवास आणि व्रत केल्यामुळे तुमच्या मनातील सर्व इच्छा पूर्ण होण्यास मदत होते. तुमच्या कुंडलीतील ग्रहांच्या प्रभावामुळे तुमच्या आयुष्यामध्ये अडथळे येऊ शकतात. तुमच्या महत्त्वाच्या कामांमध्ये अडथळे येत असतील किंवा महत्त्वाच्या कामांमध्ये प्रगती होत नसेल तर तुम्ही विजया एकादशीच्या दिवशी काही विशेष उपाय आणि विष्णू भगवानची पूजा करणे अत्यंत फायदेशीर ठरेल. विजया एकादशीच्या दिवशी दान केल्यामुळे अनेक फायदे होतात.
यंदाची फाल्गुन महिन्यातील कृष्ण पक्षातील एकादशी तिथी 23 फेब्रुवारी 2025 रोजी दुपारी 1.55 वाजल्यापासून 24 फेब्रुवारी रोजी दुपारी 1.44 वाजेपर्यंत असणार आहे. अशा परिस्थितीत, विजया एकादशी सोमवार, 24 फेब्रुवारी रोजी साजरी केली जाणार आहे. विजया एकादशीच्या दिवशी भगवान विष्णूची पूजा केली जाते. या दिवशी तुळशीला भरपूर महत्त्व दिले जाते. अशा परिस्थितीमध्ये विजया एकादशीच्या दिवशी भगवान विष्णूला नैवेद्य अर्पण करताना त्यामध्ये तुळशीचे पान ठेवा. मान्यतेनुासर, एकादशीचा नैवेद्य तुळशीच्या पानाशिवाय अपूर्ण मानला जातो. त्यामुळे ही गोष्ट नेहमी लक्षात ठेवा.
विजया एकादशीला सकाळी लवकर उठल्यानंतर स्नान करा आणि त्यानंतर संपूर्ण घरात गंगाजल शिंपडा. आता तुळशी देवीला लाल चुनरी अर्पण करा आणि तिच्यासमोर देशी तुपाचा दिवा लावा. असे केल्याने व्यक्तीला देवी लक्ष्मीचा आशीर्वाद मिळतो, ज्यामुळे जीवनातील आर्थिक समस्या दूर होऊ शकतात. यासोबतच, भगवान विष्णू आणि देवी तुळशी यांचे आशीर्वाद देखील मिळतात आणि तुमची महत्त्वाची कामे पूर्ण होण्यास मदत होते. एकादशीच्या दिवशी तुम्ही सुख आणि समृद्धीसाठी एक विशेष उपाय करू शकता. यासाठी तुम्ही विजया एकादशीच्या दिवशी तुळशीच्या रोपाला कलाव बांधू शकता. यासह, तुम्हाला आश्चर्यकारक फायदे पहायला मिळतील. यासोबतच, सर्व प्रकारच्या समस्या देखील हळूहळू दूर होऊ लागतात. विजया एकादशीच्या दिवशी भगवान विष्णूच्या समोर महाप्रसादाचा नैवेद्य अर्पण करावा आणि घरातील सर्व सदस्यांच्या आरोग्य निरोगी राहावे यासाठी देवाकडे पूजा करावी. यामुळे तुमच्या आयुष्यातील अडथळे कमी होण्यास मदत होते.
विजया एकादशीच्या दिवशी ‘ओम तुलसीदेव्याचे विद्महे, विष्णुप्रियाचे मंदता, तन्नो वृंदा प्रचोदयात्।’ या मंत्राच्या जप करा. तुळशी पूजा केल्याने जीवनच्या संकटाचा निवार होतो. तुळशी पूजा केल्यामुळे तुमच्या घरातील दरिद्रता दूर होते. तुळशीला रोज पाणी अर्पण केल्याने पुण्य वाढते. नियमितपणे तुळशीची आराधना केल्याने घरात धनवृद्धी होते. तुळशी पूजा केल्याने शांती आणि आनंद मिळतो. तुळशीची पूजा करताना तुमच्या मनामध्ये सकारात्मक विचार ठेवा.
